Biz barada

“Sanly Bilim” ulgamynyň düzümi barada:

1. “Bilim maglumat merkezi” taslamasy

Türkmenistanyň Bilim ministrliginiň ähli bilim we hyzmat berýän edaralarynyň maglumatlaryny merkezleşdirilen usulynda taýýarlamak, çap etmek, mahabat etmek we gözegçilikde saklamak;

2. “Sanly bilim hyzmatlary” platformasy

Türkmenistanyň Bilim ministrliginiň ähli hyzmat berýän bilim edaralarynyň hyzmatlaryny merkezleşdirilen usulynda ulanyjylara bir penjirede ýeke-täk “Bilim ID” görnüşinde elýeter etmek;

3. “Sanly bildiriş” platformasy

Türkmenistanyň Bilim ministrliginiň ähli işgärleriniň wezipelerine we ygtyýarlyklaryna görä bilim ulgamy boýunça täzelikleri, bildirişleri, üýtgeşmeleri, talaplary we elektron resminamalary onlaýn gipersylka we sms usullarynda dessin habarly etmek;

4. “Sanly bilim standarty” taslamasy

Türkmenistanyň Bilim edaralarynyň sanly platformalaryny dünýä tejribelerine we döwrüň talaplaryna laýyklykda bitewi bir umumy standarta getirmek;

Taslamanyň durmuşa geçirmegiň maksady:

Ýurdumyzda ähli pudaklaryň yzygiderli sanlylaşmagy bilen, bilim ulgamynyň netijeliligini ýokarlandyrmak üçin sanly platformalaryň üsti bilen has ösen, ygtybarly we peýdaly hyzmatlary üpjün etmek zerur bolup durýar. Şu nukdaýnazardan, Türkmenistanyň Bilim ministrliginiň bilim edaralaryň, Aşgabat, Arkadag şäherleriniň we welaýatlaryň, Baş bilim müdirlikleriň web-saýtlarynyň gurluşyny, bölümlerini we tehnologiýalaryny bir hilli etmek bilen, Türkmenistanyň Bilim ministrliginiň sanly infrastrukturasyny kämilleşdirilmegine, döwrebaplaşmagyna, işjeň bolan ýa-da geljekde dörediljek sanly ulgamlaryna uly goşant goşmak.