Usu­ly-ama­ly okuw­lar üs­tün­lik­li ge­çi­ril­di

Ýur­du­my­zyň äh­li et­rap­la­ryn­da, şä­her­le­rin­de bol­şy ýa­ly, paý­tag­ty­myz­da hem bi­lim iş­gär­le­ri­niň ýan­war usu­ly-ama­ly okuw­la­ry ge­çi­ril­di. Ýur­du­my­zyň bi­lim ul­ga­myn­da «Be­ýik iş­ler bi­li­me da­ýan­ýar, bi­lim bol­sa ter­bi­ýe bi­len geç­me­li gym­mat­lyk­dyr» di­ýen şy­gar bi­len 2026-njy ýy­lyň il­kin­ji ge­çi­ril­ýän çä­re­le­ri­niň bi­ri bo­lan bu ge­zek­ki ýan­war usu­ly-ama­ly okuw­la­ry gu­ra­ma­çy­lyk­ly ge­çi­ril­di. Usu­ly-ama­ly okuw­da «Türk­me­nis­tan­da umu­my­bi­lim mak­sat­na­ma­la­ry bo­ýun­ça okat­ma­gyň usu­ly­ýe­ti­ni kä­mil­leş­dir­me­giň 2028-nji ýy­la çen­li Kon­sep­si­ýa­sy­ny» hem-de ony ama­la aşyr­mak bo­ýun­ça ýe­ri­ne ýe­ti­ril­me­li iş­le­riň Me­ýil­na­ma­sy­ny, kä­mil, edep-ter­bi­ýe­li ýaş­la­ry ke­ma­la ge­tir­mek bo­ýun­ça bi­lim iş­gär­le­ri­niň öňün­de dur­ýan we­zi­pe­le­ri dur­mu­şa or­naş­dyr­ma­gyň iş tej­ri­be­le­ri ba­ra­da gi­ňiş­le­ýin söh­bet edil­di.

Ýur­du­myz­da mun­dan beý­läk hem bi­li­mi ös­dür­mek, döw­re­bap öz­gert­me­le­ri üs­tün­lik­li dur­mu­şa ge­çir­mek mö­hüm ugur­la­ryň bi­ri­dir. Şun­da okat­ma­gyň usu­ly­ýe­ti­ni kä­mil­leş­dir­mä­ge, san­ly ul­ga­my ös­dür­mä­ge uly üns be­ril­ýär. Ýan­war aýy­nyň ba­şyn­da ge­çi­ri­len usu­ly-ama­ly okuw­lar­da hem bu ugur­da mu­gal­lym­la­ryň, bi­lim iş­gär­le­ri­niň çy­kyş­la­ry diň­le­nil­di. Çy­kyş­lar­da mö­hüm äh­mi­ýet­li ugur­lar ha­kyn­da dur­lup ge­çi­lip, ýur­du­my­zyň bi­lim ul­ga­myn­da, or­ta mek­dep­ler­de okat­ma­gyň usu­ly­ýe­ti­niň bar­ha kä­mil­leş­di­ril­ýän­di­gi be­ýan edil­di. Aý­dyň my­sal­la­ry be­ýan et­mek bi­len, bu usu­ly-ama­ly okuw­da Aş­ga­bat şä­he­rin­dä­ki 18-nji or­ta mek­de­biň mü­di­ri G.Örä­ýe­wa­nyň çy­ky­şy­nyň tä­sir­li bo­lan­dy­gy­ny bel­le­mek bo­lar. Ol «Okat­ma­gyň usu­ly­ýe­ti — bi­lim öz­gert­me­le­ri­niň bin­ýa­dy» di­ýen te­ma­ny be­ýan et­di.

Okat­ma­gyň hä­zir­ki döw­re­bap usul­la­ry­nyň san­ly ul­gam, mul­ti­me­dia tag­ta­la­ry, slaýd şe­kil­le­ri bi­len berk bag­la­ny­şyk­ly­dy­gy­ny hem bel­le­mek ge­rek. Hä­zir­ki za­man okuw usu­ly­ýe­ti mul­ti­me­dia tag­ta­sy­nyň müm­kin­çi­lik­le­ri, slaýd­la­ry taý­ýar­la­mak­da­ky şert­le­ri bi­len bag­la­ny­şyk­ly­dyr. Slaýd şe­kil­le­ri bi­len dü­şün­dir­mek okuw­çy­la­ryň ün­sü­ni özü­ne çek­ýär we ola­ryň sa­pa­ga dü­şün­mek­le­ri­ne ýar­dam ed­ýär. San­ly bi­li­mi mun­dan beý­läk hem ös­dürmek üçin bi­lim ul­ga­myn­da zäh­met çek­ýän mu­gal­lym­lar­dyr hü­när­men­le­riň, şeý­le-de bi­lim al­ýan­la­ryň hä­zir­ki za­man komp­ýuter teh­no­lo­gi­ýa­la­ryn­dan us­sat­lyk bi­len baş çy­kar­ýan­dy­gy­ny hem bel­le­mek ge­rek. Şeý­le­lik­de, hä­zir­ki zaman teh­ni­ki se­riş­de­le­riň we mag­lu­mat gor­la­ry­nyň ula­ny­ly­şyn­da bi­lim iş­gär­le­ri­niň bu ugur­da taý­ýar­ly­gy­ny kä­mil­leş­dir­mek we­zi­pe­si öňe çyk­ýar. Şun­da ýur­du­my­zyň bi­lim eda­ra­la­ry­nyň ösen inno­wa­sion teh­no­lo­gi­ýa­la­ry bi­len üp­jün edil­me­gi, mu­gal­lym­la­ryň komp­ýu­ter so­wat­ly­ly­gy­nyň yzy­gi­der­li kä­mil­leş­di­ril­me­gi örän uly äh­mi­ýe­te eýe­dir.

Hü­när­men­le­riň hü­när de­re­je­si­ni ýo­kar­lan­dyr­mak işi­niň maz­mu­ny, okat­ma­gyň tä­ze, döw­re­bap usul­la­ry hal­ka­ra tej­ri­be­si­niň hä­zir­ki za­man ga­za­nan­la­ry bi­len ut­gaş­dy­ry­lyp, iş­le­nip dü­zül­ýär. Bi­lim öw­ret­mek işi­ni ama­la aşyr­ýan mu­gal­lym­la­ryň hü­när bi­lim­le­ri­ni, na­za­ry we ama­ly iş­le­ri­ni usu­ly taý­dan dog­ry gu­ra­mak us­sat­lyk­la­ry art­dy­ryl­ýar, sy­ýa­sy dü­şün­je­le­ri baý­laş­dy­ryl­ýar, tä­ze-tä­ze hü­när­ler dö­re­dil­ýär. Yl­myň we teh­ni­ka­nyň dün­ýä­de iň tä­ze ga­za­nan üs­tün­lik­le­ri­ne da­ýa­nyp, ola­ryň bi­lim öw­ret­mek­dä­ki iş­le­rin­de tä­ze­çe usul­la­ry amal et­mek­le­ri­ne giň müm­kin­çi­lik­ler dö­re­dil­ýär. Şun­da ola­ryň tä­ze­çe dü­şün­je­le­ri al­mak­la­ry­na bo­lan is­leg­le­ri­ne uly äh­mi­ýet be­ril­ýär.

Hä­zir­ki wagt­da ýur­du­myz­da dur­mu­şa or­naş­dy­ryl­ýan san­ly bi­lim ul­ga­my ýaş ne­sil­le­riň dün­ýä de­re­je­sin­de ýo­ka­ry hil­li bi­lim al­mak­la­ry­ny, ola­ryň yl­my bin­ýa­dy­nyň ke­ma­la gel­me­gi­ni do­ly de­re­je­de ke­pil­len­dir­ýär. Ýur­du­my­zyň umu­my­bi­lim eda­ra­la­ryn­da sa­pak­la­ryň in­te­rak­tiw tag­ta­lar­da ge­çil­me­gi hem mu­ňa aý­dyň my­sal­dyr. Paý­tag­ty­myz­da ge­çi­ri­len usu­ly-ama­ly okuw­lar­da şu­lar dog­ru­syn­da hem gi­ňiş­le­ýin dur­lup ge­çil­di we öň­de dur­ýan we­zi­pe­ler kes­git­le­nil­di.

Ylym-bi­li­mi ös­dür­mek­de giň müm­kin­çi­lik­le­ri dö­red­ýän Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň jan­la­ry sag bol­sun, be­ýik iş­le­ri ro­waç­lyk­la­ra bes­len­sin!

Jen­net HA­TA­MO­WA,

Aş­ga­bat şä­he­rin­dä­ki 19-njy or­ta mek­de­biň mü­di­ri.

Çeşmesi:Türkmenmetbugat