of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Gazagystanyň ilçisi Türkmenistanyň ýangyç-energetika toplumynyň ýolbaşçylary bilen duşuşdy
50
Gazagystanyň Türkmenistandaky ilçisi Nurlan Nogaýew «Türkmennebit» döwlet konserniniň başlygy Guwanç Agajanow bilen duşuşdy.
19-njy sentýabrda geçirilen gepleşikleriň dowamynda taraplar iki ýurduň arasyndaky hyzmatdaşlygyň oňyn ösüş depginini bellediler we Türkmenistanyň energetika pudagynda uly mümkinçiliklere eýedigine ünsi çekdiler. Hususan-da, daşary ýurt maýadarlary üçin Türkmenistanyň uglewodorod çig mal pudagyndaky açyk döwlet syýasatynyň çäginde döredilen mümkinçiliklere aýratyn üns berildi.
Şol gün gazak diplomaty «Türkmengaz» döwlet konserniniň başlygy Maksat Babaýew bilen hem duşuşyk geçirdi.
Duşuşygyň dowamynda taraplar önümçilik pudagynyň bilelikdäki ösüşini we gaz geçiriji taslamalaryny durmuşa geçirmegi öz içine alýan gaz pudagynda özara peýdaly hyzmatdaşlygy çuňlaşdyrmagy ara alyp maslahatlaşdylar.
Duşuşygyň jemleri boýunça energetika pudagynda strategiki hyzmatdaşlygy giňeltmek baradaky özara gyzyklanma mälim edildi.