«Hemme almalar — apple-ňky»: «almanyň üstünde» kazyýetleşilýär

Dişlenen almanyň suratyny gören islendik adamyň aňynda hökman bir kompaniýa janlanýan bolsa gerek. Çünki «Apple» kompaniýasynyň önümleri dünýäniň ähli künjeginde iň gerekli we tanalýan harytlaryň biridir. Indi «Apple» almanyň islendik suraty bolan haryt nyşanly kompaniýa bilen kazyýetleşýär.

Ýakynda «Apple» 111 ýyl bäri işleýän fermer guramasy «Fruit Union Suisse-ni» kazyýete berdi. Şweýsariýadan bolan guramanyň nyşanynyň sag tarapynda «+» belgisi ýerleşdiren gyzyl alma bar. Guramanyň direktory Jimmi Marietoz «Apple» kompaniýasynyň bu hereketine düşünmeýändigini belledi. Onuň pikiriçe, «Apple» dünýädäki «ähli almalara dalaş edýär».

«Apple» kompaniýasy ozalam birnäçe gezek «alma üçin» kazyýetleşipdi. Mysal üçin, ol 2010-njy ýylda şweýsar dükanlarynyň bileleşiginde dişlenen almalaryň ulanyşyny gadagan etdi (kazyýetiň üsti bilen). 2020-nji ýylda bolsa nahar taýýarlaýan startap «Preaper» kompaniýasy nyşany — armydyň şekilini üýtgedipdi.