Amerikan Geňeşlikleri Türkmenistanyň raýatlaryny GRE gibrid okuw maksatnamasyna gatnaşmaga çagyrýar. Bu maksatnama ýokary okuw jaýlarynyň magistratura derejesine okuwa girmäge isleg bildirýän dalaşgärleri GRE synagyna taýýarlaýar.
GRE maksatnamasynyň intensiw taýýarlyk okuwyň dowamlylygy 18 hepde bolup, ol gibrid (online we ýüz-ýüze) görnüşinde geçiriler. Okuw sapagyna gatnaşyjylar kompýuter, planşet ýa-da öýjükli telefonlar arkaly yzygiderli internete baglanyp bilmeli. Okuw kursuna degişli materiallar internet arkaly ugradylar.
Maksatnama şu aşakdaky düzgünlere laýyk gelýänler kabul ediler:
4-ýyllyk bakalawr derejeli ýokary okuw mekdebini tamamlan;
Häzirki wagtda ýokary okuw mekdebinde okamaýan;
Türkmenistanyň raýaty bolup, häzirki wagtda Türkmenistanda ýaşaýan;
Ýokary derejede iňlis dilini bilýän;
ABŞ-nyň ýokary okuw mekdeplerine magistratura derejesine okuwa girmäge gyzyklanma bildirýän;
18 hepdelik taýýarlyk kursuna doly gatnaşmaga mümkinçiligi bar bolan.
Bellik: Diňe anketa bukjasyny dolulygyna dolduran dalaşgärler test synagyna çagyrylar. Maksatnamanyň anketasyny şu ýerden ýükläp bilersiňiz.
Arzalar 2023-nji ýylyň iýul aýynyň 16-na sagat 17:30-a çenli kabul ediler.
Çeşme: https://salamnews.tm/section/ylym-bilim/others/gre-maksatnamasyna-gatnasmak-ucin-yuz-tutmaga-cagyryar-b7b06c
