of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Zähmet ministrligi we USAID möwsümleýin işgärler üçin maksatnamalaryň durmuşa geçirilmegi boýunça seminar gurady
92
Türkmenistanyň Zähmet we ilaty durmuş taýdan goramak ministrligi USAID-yň “Merkezi Aziýada howpsuz migrasiýa” (SMICA) maksatnamasy bilen bilelikde 30-31-nji oktýabr aralygynda möwsümleýin işgärler üçin maksatnamalary we Halkara Zähmet guramasynyň (HZG) standartlaryna laýyklykda işe almagyň teswirnamalaryny işläp taýýarlamakda we durmuşa geçirmekde türkmen hünärmenleriň taýýarlyklaryny ýokarlandyrmaga gönükdirilen intensiw seminaryny geçirdiler. Özbegistanyň bu ulgamdaky tejribesine aýratyn üns berildi.
Çäre Türkmenistanyň we Özbegistanyň resmi adamlaryny, bilermenlerini hem-de wekillerini, şol sanda Türkmenistanyň Zähmet we ilaty durmuş taýdan goramak ministrliginiň, Mejlisiniň, Adalatçysynyň edarasynyň we Türkmenistanyň Kärdeşler arkalaşygynyň Milli merkeziniň wekillerini birleşdirdi.
Özbek tarapyndan CONSERAS konsalting kompaniýasynyň direktory Alişer Husainow we Adam söwdasyna garşy göreşmek boýunça Özbegistanyň Milli toparynyň wekili Gülruh Niýazmetowa gatnaşdylar. Olar möwsümleýin işägrleri işe almagyň açyk we howpsuz teswirnamalaryny döretmekde Özbegistanyň gazananlary bilen tanyşdyrdylar.
Seminarda möwsümleýin iş üçin HZG-nyň standartlary, zähmet çekýän migrantlaryň hukuklarynyň goraglylygy, işe almagyň etiki tejribesi we işgärlere bolan adalatly garaýyş ýaly esasy mowzuklar ara alnyp maslahatlaşyldy. Şeýle-de gatnaşyjylar milli hukuk kadalarynyň halkara standartlaryna laýyk getirilmeginiň tejribe strategiýalaryny we bu usullaryň Türkmenistanyň zerurlyklaryna uýgunlaşdyrmagyň mümkinçiliklerini öwrendiler.
Çäre döwletara bilimleri alyşmak, pudaklaýyn hyzmatdaşlygy berkitmek we milli derejede zähmet çekýänleriň hukuklaryny goramak gurallaryny gowulandyrmak barada maslahatlaşmak üçin möhüm meýdança öwrüldi. Seminaryň netijeleri halkara standartlaryna laýyk gelýän işe almagyň teswirnamalaryny ornaşdyrmagyň ähmiýetini ýene bir gezek tassykllap, Türkmenistanda zähmet çekýänleriň hukuk goraglylygynyň durnukly ulgamyny döretmekde utgaşdyrylan pudagara tagallalaryň ornuny aýratyn açyp görkezdi.