of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Astanada geçirilen sambo boýunça dünýä çempionatynda türkmenistanly türgenler 6 medal gazandy
89
Türkmen türgenleri 8-10-njy noýabr aralygynda Astanada (Gazagystan) geçirilen sambo boýunça dünýä çempionatynda ajaýyp netijeleri görkezdiler. Umumylykda, Türkmenistanyň topary 6 medal, şol sanda: 1 altyn, 2 kümüş we 3 bürünç medal gazandylar.
Türkmen topary üçin altyn medaly, 71 kilograma çenli söweş sambo kategoriýasynda Muminjan Arzikulow gazandy.
Dünýä çempionatynda kümüş medallary 50 kilograma çenli agram derejesinde söweş sambosynda tapawutlanan Bägül Nuryýewa we 80 kilograma çenli bu grnüşde çykyş eden Sabina Agajanowa getirdi.
Bürünç medallary türkmen toparyna gazanan türgenler: Kambar Umarow (sport sambosy, 71 kg çenli), şeýle hem Zarina Abdyrahmanowa (söweş sambo, 54 kg çenli) we Gülzada Jorakuliýewa (söweş sambo, 72 kg çenli).
Astanada geçirilen dünýä çempionatynda 80 ýurtdan takmynan 470 türgen gatnaşdy. Bu hem öz nobatynda ýaryşyň ýokary derejesini görkezdi.