of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Ýurdumyzyň orta mekdepleriniň we çagalar baglarynyň arasynda bäsleşik yglan edildi
177
Türkmenistanda “Bagy-bossanlyga we gülzarlyga beslenen iň gowy mekdep” we “Bagy-bossanlyga we gülzarlyga beslenen iň gowy çagalar bagy” bäsleşigi yglan edildi.
Bäsleşigi Türkmenistanyň Prezidenti Serdar Berdimuhamedowyň ýurdumyzy ýaşyl guşaklara büremek, ýaş ösüp gelýän nesli daşky gurşawy goramak işine çekmek syýasatyny durmuşa geçirmek maksady bilen geçirilýär.
Bäsleşik üç tapgyrda geçer. Birinji tapgyry 14-15-nji noýabrynda etrap we şäher derejelerinde geçiriler.
Birinji tapgyryň ýeňijilerine Aşgabat we Arkadag şäherlerinde 21-22-nji noýabr aralygynda geçiriljek bäsleşigiň welaýat derejesi garaşýar.
Jemleýji tapgyrda welaýatlaryň hem-de Aşgabat we Arkadag şäherlerniň iň gowulary duşuşarlar. Jemleýji tapgyr 28-29-njy noýabra meýilleşdirildi.
Bäsleşige gatnaşmak üçin bilim berýän edaranyň öz çäginde we töwereginde bag we ösümlikleri ekmek, ýaşyl guşaklara büremek işini beýan edýän foto surat bukjalary we wideo ýazgylary taýýarlanylmaly. Hödürlenýän işler bilim berýän edarada we onuň daşynda arassaçylygyň berjaý edilişini hem açyp görkezmeli.
Bäsleşigiň eminler topary çagalarda ekologiýa medeniýetini terbiýelemek, çagalar baglarynda we mekdeplerde bag ekmek işine okuwçylaryň we terbiýe alýan çagalaryň ene-atalarynyň çekilmegi boýunça baha goýarlar. Şeýle-de ýöriteleşdirilen gurnagyň bezeg işleri bahanaldyrylar.
Bäsleşigiň ýeňijileri hormat hatlary we gymmat bahaly sowgatlar bilen sylaglanar.