of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Türkmenistanda "Ýaş robototehnikaçy" saýlanar
110
Ýurdumyzyň umumybilim berýän mekdepleriniň 7-12-nji synp okuwçylarynyň arasynda “Ýaş robototehnikaçy” atly bäsleşigi geçirilýär.
Bäsleşigiň guramaçylary bolup Türkmenistanyň Bilim ministrligi hem-de Türkmenistanyň Magtymguly adyndaky Ýaşlar guramasynyň Merkezi geňeşi çykyş edýär. Bäsleşigiň maksady ýaş zehinleri ýüze çykarmak, olaryň innowasiýalara we hasaplaýyş tehnologiýalara bolan gyzyklanmalaryny çuňlaşdyrmakdan ybarat.
Bäsleşik iki ugur boýunça geçirilýär – “akylly öý” we robototehnika.
Gyzyklanma bildirýän şahslar 23-nji noýabra çenli degişli maglumat görnüşini dolduryp ýa-da Türkmenistanyň Magtymguly adyndaky Ýaşlar guramasynyň Merkezi geňeşiniň saýtynda görkezilen QR-kodyny skanirläp, hasaba durmaly.
Işler 2024-nji ýylyň 30-njy noýabrynda görkeziler. Bäsleşigiň emin agzalary işleri täzeçiligine, ýerine ýetiriliş hiline, ulanylyşyna görä bahalandyrarlar.
Bäsleşigiň şertleri bilen Türkmenistanyň Magtymguly adyndaky Ýaşlar guramasynyň Merkezi geňeşiniň saýtynda ýakyndan tanyşyp bolar.