of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Ýaş zehinleriň şowly çykyşlary
145
30-njy sentýabr — 5-nji oktýabr aralygynda Gyrgyz Respublikasynyň paýtagty Bişkek şäherinde Garaşsyz Döwletleriň Arkalaşygyna agza ýurtlaryň çagalarynyň birinji Delfiý oýunlary geçirildi. Oňa Türkmenistandan hem zehinli çagalar fortepiano, skripka, halk saz gurallary, estrada we halk aýdymyny ýerine ýetirmek, şekillendiriş sungaty ugurlary boýunça gatnaşyp, baýrakly orunlara mynasyp boldular.
Garaşsyz Döwletleriň Arkalaşygyna agza ýurtlaryň 14 ýaşa çenli çagalarynyň arasynda ilkinji gezek geçirilen bu halkara bäsleşige Türkmenistandan, Russiýa Federasiýasyndan, Belarus, Gazagystan, Özbegistan, Azerbaýjan, Ermenistan we Gyrgyz Respublikalaryndan zehinli çagalaryň jemi 500-den gowragy gatnaşdy.
Birinji açyk çagalar Delfiý oýunlaryna 6 ugur boýunça ýurdumyzdan gatnaşan zehinli çagalaryň 12-si bäsleşigiň 2-nji tapgyryna gatnaşmaga hukuk gazanyp, olaryň 8-si baýrakly orunlara mynasyp bolmagy başardy. Hususan-da, bäsleşigiňnetijeleri boýunça Mary welaýatynyň Mollanepes adyndaky çagalar sungat mekdebiniň okuwçysy L.Jepbarowa halk aýdymyny ýerine ýetirmek ugrundan 1-nji orny eýeläp, altyn medala, Lebap welaýat çagalar sungat mekdebiniň okuwçysy M.Tahyrjanowa skripka hünäri hem-de Aşgabat şäheriniň 2-nji çagalar çeperçilik mekdebiniň okuwçysy M.Ýaranow şekillendiriş sungaty boýunça 3-nji orunlary eýeläp, bürünç medallara mynasyp boldular. Ýurdumyza wekilçilik eden çagalaryň ýene-de bäşisi estrada aýdymyny ýerine ýetirmek boýunça hem-de fortepiano, skripka, akkordeon we bagşy hünärleri boýunça zehinini görkezip, ýörite diplomlar bilen sylaglandylar.
Çagalaryň birinji Delfiý oýunlarynyň ýapylyş dabarasy gala-konsert bilen jemlendi. Onuň dowamynda bäsleşige gatnaşyp, baýrakly orunlara mynasyp bolanlar, şol sanda ýurdumyzdan baran ýaş zehinler täsirli çykyşlary bilen tomaşaçylaryň gyzgyn goldawyna mynasyp boldular.
GDA agza ýurtlaryň çagalarynyň birinji Delfiý oýunlarynyň çäklerinde bu bäsleşige bagyşlanan halkara maslahat hem geçirildi. Onuň dowamynda aýdym-saz we şekillendiriş sungatyna höwesli zehinli ýaşlary ýüze çykarmak, olary sungatyň dürli ugurlary boýunça döredijilige höweslendirmek hem-de ýaş sazandalaryň ýerine ýetirijilik ukyplaryny kämilleşdirmek bilen bagly meseleler ara alnyp maslahatlaşyldy.
"Türkmenistan"
09.10.2024ý. №258
Çeşmesi: Turkmenmetbugat