of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
ÇÄKSIZ BUÝSANÝARYN!
140
Gahryman Alym Arkadagymyz: “Magtymguly Pyragy türkmen halkynyň taryhynyň iň çylşyrymly döwründe ýaşan, agzybirlik, garaşsyzlyk, özbaşdak döwlet gurmak ýaly beýik maksatlara öz döredijiligi bilen gulluk eden ynsanperwer şahyrdyr” diýmek bilen, onuň şygyrlaryna we edebi-jemgyýetçilik hyzmatlaryna ýokary baha berýär.
Akyldar şahyr Magtymguly Pyragynyň döredijiligi adamzat paýhasynyň söz senedindäki döreden täsinligidir. Magtymgulynyň döredijiligi hiç wagt ähmiýetini ýitirmejek, gaýtam ýyl geçdigiçe gadyr-gymmaty artjak ruhy baýlykdyr. Alymlarymyzyň adalatly belleýşi ýaly, Pyragy ähli döwürleriň hem göwünleriň şahyry. Ägirt uly akyl-paýhasyň hem çeperçiligiň, onda-da şygyr sungaty ýaly tebigaty juda näzik şygyr tilsimleriniň bir adamda jemlenmegi aklyňy haýrana goýýar. Magtymguly “Pyragy” bolup türkmeniň adyny arşa çykardy.
Şygryýet syrly sungat. Magtymgulynyň ussatlygy hakynda türkmen we Gündogary öwreniji alymlar birnäçe tutumly işleri ýazdylar. Emma entek-enteklerem şahyryň şygryýetiniň çeperçilik syryny öwrenmek dowam edýär. Ondaky edebi kanunalaýyklar bahalandyrylýar. Akyldar Pyragynyň çeperçilik tejribesi öwrenilýär. Bu ugurdan ylmy barlaglar geçirilip, alynýan edebi çözgütler edebiýatymyzyň, ozaly bilen şygyr sungatymyzyň ýene-de kämilleşmegine we onuň millionlarça okyjynyň dünýäsinde mynasyp orun alyp, kämil ynsanlaryň kemala gelmegine, nesilleriň terbiýesine oňyn täsir edýär.
Pursatdan peýdalanyp, akyldar şahyrymyz Magtymguly Pyragynyň doglan gününiň 300 ýyllygyna gabatlanyp çykarylan “Magtymguly Pyragynyň 300 ýyllygyna” atly ýubileý medaly bilen sylaglananlygyma çäksiz begenýärin we Gahryman Alym Arkadagymyza hem Arkadagly Gahryman Serdarymyza tüýs ýürekden sagbolsun aýdýaryn!
Gahryman hem Mähriban Alym Arkadagymyzyň, Hormatly Prezidentimiz Arkadagly Gahryman Serdarymyzyň ömürleri uzak, janlary sag bolsun! Il-ýurt bähbitli, umumadamzat ähmiýetli döwletli tutumlary rowaçlyklardan rowaçlyklara beslensin!
Gahryman hem Mähriban Arkadagymyzy, Hormatly Prezidentimiz Arkadagly Gahryman Serdarymyzy we Garaşsyz hem Bitarap Türkmenistan döwletimiziň bagtdan paýly ähli raýatlaryny, il-günümizi ýetip gelýän Täze ýyl baýramy bilen gutlaýaryn!
Akmyrat Täjimow,
Seýitnazar Seýdi adyndaky TDMI-niň
Türkmen edebiýaty we ony okatmagyň
usulyýeti kafedrasynyň uly mugallymy, filologiýa ylymlarynyň kandidaty