of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Balkanabatda mugallymlaryň festiwaly geçirildi
651
Balkanabat şäherinde “Kämil mugallym – kämil nesil” atly mugallymlaryň festiwaly geçirildi. Türkmenistanyň Bilim ministrliginiň hem-de “Kämil Bilim” okuw merkeziniň bilelikde guramagynda geçirilen bu çäre ýurdumyzyň günbatar sebitiň orta mekdeplerinde bilim berýän mugallymlaryň ýüzden gowragyny bir ýere jemledi.
Festiwalyň çäklerinde usulyýet sapaklary guraldy. Olarda ýaş nesle döwrebap bilim bermekde emeli aňdan peýdalanmagyň, daşary ýurt dillerini okatmagyň, sapakda wagty dogry ulanmagyň we synpy dolandyrmagyň usulyýeti barada tejribeler alşyldy.
Şeýle hem çäräniň dowamynda okuw merkeziniň diňleýjileriniň ýerine ýetirmeklerinde aýdym-sazly çykyşlar ýaýbaňladyryldy. Bu ýerde guralan sergide robot tehnikasy, mental arifmetika şeýle hem daşary ýurt dillerini okatmak boýunça taýýarlanan esbaplar görkezildi.
Bu festiwal mugallymlaryň özara tejribe alyşmaklary, okatmagyň täzeçe usullary bilen tanyşmaklary üçin özboluşly meýdança bolup hyzmat etdi – diýip, guramaçylar bellediler.