of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Ýaponiýanyň ilçisi Türkmenistanyň ýokary okuw mekdeplerine täze kitaplary gowşurdy
568
Ýaponiýanyň Türkmenistandaky ilçihanasy Türkmenistanyň Daşary işler ministrliginiň Halkara gatnaşyklar institutyna we Türkmen döwlet ykdysadyýet we dolandyryş institutyna täze kitaplary sowgat etdi. Bu barada ilçihananyň metbugat gullugy habar berdi.
Hususan-da, diplomatiýa, syýasat, ykdysadyýet we medeniýet ýaly mowzuklar boýunça kitaplaryň 35-si Türkmenistanyň Daşary işler ministrliginiň Halkara gatnaşyklary institutyna sowgat berildi. Olaryň köpüsi ýapon we günbatar alymlary tarapyndan ýazylandyr.
Türkmen döwlet ykdysadyýet we dolandyryş institutyna ykdysadyýet, dolandyryş we marketing, şeýle hem ýapon dilini öwrenmek boýunça 17 kitap hödürlendi.
Kitaplar «READ JAPAN PROJECT» taslamasynyň bir bölegi hökmünde berildi. Sowgatlary Ýaponiýanyň Türkmenistandaky ilçisi Sasaki Hiroşi gowşurdy.