of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Meýletinçiler ― medeni ilçiler
860
Meýletinçiler halkara forumda daşary ýurtly myhmanlara ýolbeletlik, maglumat goldawy ýaly dürli ugurlar boýunça hyzmat edýärler. Olar forumyň çäklerinde daşary ýurtly myhmanlary garşylamak, ýoldaşlyk etmek, logistiki meseleleri utgaşdyrmak, iş duşuşyklarynyň guramaçylykly derejede geçirilmegine ýardam bermek hem-de ugratmak hyzmatlaryny ýerine ýetirmek bilen bir hatarda, ýurdumyzyň baý medeni mirasyny myhmanlara ýetirmekde hem işjeňlik görkezýärler. Şoňa görä-de, myhmanlaryň meýletinçilere halklaryň medeni ilçileri hökmünde ýokary baha berýändigini nygtamagy bizi örän buýsandyrýar.
Giň möçberli meýletinçiler toparynyň düzüminde birnäçe daşary ýurt dillerini bilýän talyp ýaşlaryň 300-den gowragy bellenilen ugurlar boýunça hereket edýärler. Halkara forumda olaryň ýerine ýetirýän işleriniň jogapkärçiliginiň ýokarydygyny hem-de abraý derejesiniň örän uludygyny aýratyn nygtamak gerek. Ýeri gelende bellesek, olaryň 150-den gowragy Birleşen Milletler Guramasynyň düzümindäki wekillere berkidilip, guramaçylyk işlerine ýardam berýärler.