of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Ýaryşlarda ýokary netije görkezen türgenler TDBSI-niň talyby boldular
747
2025-2026-njy okuw ýylynda Türkmen döwlet bedenterbiýe we sport institutyna ýaryşlaryň netijeleri boýunça ýokary görkezijilere eýe bolan türgenleriň birnäçesi talyp boldular. Bu barada «Türkmen sporty» gazetinde habar berildi.
Şeýle-de sportuň dürli görnüşleri boýunça halkara ýaryşlarynda, Türkmenistanyň çempionatlarynda we kubok bäsleşiklerinde üstünlik gazanan, milli ýygyndy toparlaryň düzüminde çykyş eden dalaşgärleriň görkezen netijeleri hem seljerildi. Olaryň sport ýolundaky üstünlikleri talyplyga kabul etmekde möhüm artykmaçlyk hökmünde nazara alyndy. Türkmenistanyň Bilim ministrligi tarapyndan teklip edilen düzgünlere laýyklykda, ukyply we taýýarlykly uçurymlar giriş synaglarynda üstünlik gazandylar.
Netijede täze okuw ýylynda Türkmen döwlet bedenterbiýe we sport institutyna kabul edilenleriň arasynda 1 halkara derejeli sport ussady, sport ussatlygyna dalaşgärleriň 34-si, halkara ýaryşlarynyň ýeňijileriniň 43-si, ýurt derejesindäki ýaryşlaryň ýeňijileriniň 149-sy, welaýat derejesindäki ýaryşlaryň ýeňijileriniň 146-sy bar.
Bulardan başga-da, ýaş türgenleriň 194-si ýurduň milli ýygyndy toparlarynyň agzalarydyr, şeýle-de öňdebaryjy toparlaryň wekilleridir. Sport mekdebiniň uçurymlarynyň hem 33-si bu ýokary okuw mekdebiniň talyplarynyň hataryna goşuldy.
Çeşmesi: Turkmenportal