Türkmen talyplarynyň gatnaşmagynda Hytaýyň Sian şäherindäki Demirgazyk-Günbatar uniwersitetinde dabara geçirildi

6-njy noýabrda Hytaý Halk Respublikasynyň Sian şäherindäki Demirgazyk-Günbatar uniwersitetinde dabaraly medeni çäre geçirildi. Bu gyzgalaňly çärä Sianyň ýokary okuw mekdepleriniň ýolbaşçylary we professor mugallymlary, şeýle-de daşary ýurtly talyplar gatnaşdylar. Dabara uniwersitete täze gelen hytaýly we daşary ýurtly talyplara bagyşlandy.

«Çäräniň dowamynda hytaýly we daşary ýurtly talyplaryň aýdym-sazly çykyşlaryna uly orun berildi. Şeýle-de talyplar öz milli aýdym-sazlary bilen çykyş etdiler. Bu çärede Sian şäherindäki Demirgazyk-Günbatar uniwersitetinde bilim alýan türkmen talyplary hem türkmen halkynyň milli aýdym-sazlary we tanslary bilen çykyp edip, gelen myhmanlarda uly täsir galdyrdylar.

Aýratyn hem, türkmen talyplary tarapydan ýerine ýetirilen «Küştdepdi» tansy has täsirli boldy»** diýip, Hytaýyň Demirgazyk-Günbatar uniwersitetiniň Beýik Ýüpek ýoly arheologiki hyzmatdaşlyk ylmy-barlag merkeziniň uly ylmy işgäri Serdar Maşarykow gürrüň berýär.

Çäräniň soňunda türkmen milli aýdymlary we tanslary bilen gyzyklanan hytaýly hem-de daşary ýurtly myhmanlar, talyplar, şeýle-de habarçylar türkmen talyplary bilen ýadygärlik surata düşdüler. Şeýle-de türkmen talyplary bilen halkymyzyň milli medeniýeti bilen bagly gyzykly sorag jogap alyşdylar. Türkmen talyplary gelen myhmanlara Garaşyz, Bitarap Türkmenistanyň milli medeniýeti we häzirki zaman ösüşi barada buýsanç bilen gürrüň berdiler.

Orient.tm