of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Bedew batly ösüşleriň ýurdy – Türkmenistan
1798
2026-njy ýylyň 9-njy ýanwarynda Türkmenistanyň Senagatçylar we telekeçiler partiýasynyň hem-de Halkara senagatçylar we telekeçiler uniwersitetiniň bilelikde gurnamagynda 2026-njy ýyl “Garaşsyz, baky Bitarap Türkmenistan – bedew batly at-myradyň mekany” diýlip yglan edilmegi mynasybetli “Bedew batly ösüşleriň ýurdy – Türkmenistan” atly maslahat duşuşygy geçirildi.
Maslahatyň başynda hormatly myhmanlar hem-de uniwersitetiň professor-mugallymlary tarapyndan halkymyza asuda, parahat durmuşy peşgeş beren Gahryman Arkadagymyza, beýik ýoluny mynasyp dowam etdirýän Arkadagly Gahryman Serdarymyza buýsançly sözlerini beýan etdiler.
Maslahatda 2026-njy ýyly “Garaşsyz, baky Bitarap Türkmenistan – bedew batly at-myradyň mekany” diýlip yglan edilmegi mynasybetli, Hormatly Prezidentimiziň: “Türkmen bedewleri gadymy topragymyzyň gudratydyr, öý-ojagymyzyň ýaraşygydyr, bahasyna ýetip bolmajak milli baýlygymyzdyr” diýen sözlerinden nusga alyp, bedewiň ynsanyň ýakyn dostudygyny, hemişe ynsana kömek berip gelendigini, bedew atlarynyň sungatdaky we edebiýatdaky wasplary barada çykyş etdiler. Döwrüň aýakdaş şahyry Süleýman Ilamanowyň goşgy setirleriniň üsti bilen ýurdumyzyň at-abraýyny, ahalteke atlarymyzyň waspyny ýetirmegi hem-de uniwersitetiň talyp ýaşlarynyň ýerine ýetirmeginde aýdym-sazlaryň ýaňlanmagy maslahat duşuşygynyň täsirli geçmegine iterdi.
