of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Garaşsyz, agzybir Watan goýnunda, türkmen toý toýlaýar ýeriň ýüzünde
369
Şanly Garaşsyzlygymyzyň 35 ýyllyk baýramy mynasybetli Halkara senagatçylar we telekeçiler uniwersitetiniň hem-de Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen bilelikde guramagynda “Garaşsyz, agzybir Watan goýnunda, türkmen toý toýlaýar ýeriň ýüzünde” atly wagyz-nesihat duşuşygy geçirildi.
Duşuşykda çykyş eden myhmanlar merdana ata-babalarymyzyň döwletlilik däplerine eýerip, Watanymyzyň mukaddes Garaşsyzlygynyň 35 ýyllyk baýramynyň bellenilýän günlerinde Garaşsyzlyk ýyllary içinde gazanylan üstünlikler, ýetilen belent sepgitler dogrusynda giňişleýin çykyş etdiler. Bu dabaraly duşuşykda ýaş nesle watansöýjülilik, zähmetsöýerlik we milli mirasymyza sarpa goýmak ruhunda terbiýeläp ýetişdirmek babatynda aýratyn bellenilip geçildi. Şeýle hem, hormatly Prezidentimiziň baştutanlygynda ýurdumyzda amala aşyrylýan giň göwrümli özgertmeleriň we ýetilen beýik üstünlikleriň her bir raýatyň kalbynda buýsanç duýgusyny döredýändigi aýratyn nygtaldy. Bu duşuşyk talyp ýaşlaryň kalbynda ata Watanymyza bolan çäksiz söýgini we buýsanjy has-da pugtalandyrmaga ruhlandyrdy.
Wagyz-nesihat duşuşygynyň ahyrynda oňa gatnaşanlar döwletimiziň halkara abraýyny ösdürmekde, ýer ýüzünde parahatçylygy pugtalandyrmakda alyp barýan beýik işleri üçin Gahryman Arkadagymyza hem-de Arkadagly Gahryman Serdarymyza alkyşly sözlerini beýan etdiler.
