of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Rustam Minnihanow Türkmenistanyň Prezidentine «Dostluk» ordenini gowşurdy
98
Russiýa Federasiýasynyň Tatarystan Respublikasyna iş saparyny amala aşyrýan Türkmenistanyň Prezidenti Serdar Berdimuhamedow XVI BRICS sammitiniň çäklerinde Tatarystan Respublikasynyň Reýisi Rustam Minnihanow bilen duşuşdy. Bu barada Respublikanyň Reýisiniň resmi web sahypasynda habar berildi.
Respublikanyň Reýisi Gurbanguly Berdimuhamedowyň iki ýurduň arasynda ýola goýan hoşniýetli gatnaşyklaryny mynasyp dowam etdirýändigi üçin Serdar Berdimuhamedowa minnetdarlyk bildirdi.
«Hyzmatdaşlygymyzyň uzyn taryhy bar. Ähli ugurlarda yzygiderli işleýäris. Kärhanalarymyzyň bilelikdäki taslamalary gowy netijeleri görkezýär»-diýdi, Rustam Minnihanow.
Serdar Berdimuhamedow Kazanda mähirli garşylanandygy üçin minnetdarlyk bildirdi. «Tatarystan Respublikasy üstünlikli ösýär. Kazan şeýle uly, möhüm sammitleriň geçirilýän ýerine öwrüldi»-diýip, Türkmenistanyň Prezidenti döwletara hyzmatdaşlygyň mundan beýläk-de dowam etjekdigine ynandyrdy.
Duşuşygyň ahyrynda Rustam Minnihanow Serdar Berdimuhamedowa «Dostluk» ordeni gowşurdy. «Bu sylag hyzmatdaşlygymyzyň nyşanyna öwrüler»-diýip, Türkmenistanyň Prezidenti sözüni jemledi.