Ylmy-amaly maslahat geçirildi

2024-nji ýylyň dekabr aýynyň 9-na Türkmenistanyň Döwlet energetika institutynda Halkara Bitaraplyk güni mynasybetli “Türkmenistanyň Hemişelik Bitaraplygy – durnuklylygyň we ösüşiň binýady” atly ylmy-amaly maslahat geçirildi. Maslahat öz işini umumy mejlisde we 5 bölümçede alyp bardy. Maslahatda institutyň professor-mugallymlarynyň, ylmy işgärleriniň, aspirantlarynyň we talyp ýaşlarynyň 170-den gowrak ylmy çykyşlary diňlenildi. Ylmy-amaly maslahatyň ahyrynda oňa gatnaşyjylar ýaşlaryň döwrebap bilim almagy, bagtyýar durmuşda ýaşamagy üçin durmuşa geçirýän beýik işleri üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem-de hoşallyk sözlerini aýtdylar.

Türkmenistanyň Döwlet energetika instituty