Filippinler Respublikasynyň Ilçisi bilen duşuşyk

2024-nji ýylyň 10-njy dekabrynda Türkmenistanyň Daşary işler ministrliginiň Halkara gatnaşyklary institutynda Filippinler Respublikasynyň Türkmenistandaky Adatdan daşary we Doly ygtyýarly ilçisi (oturýan ýeri – Tähran şäheri) Roberto G. Manalo bilen Türkmenistanyň Daşary işler ministrliginiň Halkara gatnaşyklary institutyň rektory Gülşat Ýusupowanyň arasynda duşuşyk geçirildi.

Duşuşygyň dowamynda hormatly Ilçi diplomatik gatnaşyklaryň ýola goýulmagynyň ilkinji günlerinden başlap, Türkmenistan bilen Filippinler Respublikasynyň arasynda ähli ugurlar boýunça özara bähbitli hyzmatdaşlygyň ösdürilmegine ähmiýet berilýändigini belledi. Aýratyn-da iki döwletiň arasyndaky hyzmatdaşlygyň ileri tutulýan ugurlaryny, hususan-da ylym-bilim ulgamyndaky hyzmatdaşlygy ösdürmek babatda alnyp barylýan tagallara ünsi çekdi.

Öz gezeginde Türkmenistanyň Daşary işler ministrliginiň Halkara gatnaşyklary institutyň rektory G. Ýusupowa institutyň döredilmeginiň taryhy, gurluşy, kafedralaryň alyp barýan işleri, halkara hyzmatdaşlygy we institutda hereket edýän okuw we ylmy merkezler barada gürrüň berdi. Mundan başga-da, taraplar Türkmenistanyň Daşary işler ministrliginiň Halkara gatnaşyklary instituty bilen Filippinler Respublikasynyň ýokary okuw mekdepleriniň arasyndaky hyzmatdaşlygy giňeltmek üçin birnäçe teklipleri öňe sürdüler.

Maral KARLYÝEWA,

Türkmenistanyň Daşary işler ministrliginiň

Halkara gatnaşyklary institutynyň

Halkara gatnaşyklary fakultetiniň IV ýyl talyby.

Çeşmesi: Halkara gatnaşyklar instituty