RAÝAT GORANYŞY BABATDA GÖÇME OKUW SAPAKLARY

Berkarar döwletimiziň täze eýýamynyň Galkynyşy döwründe harby bilim ulgamyny dünýä ülňülerine laýyklykda yzygiderli kämilleşdirmek, harby ýokary okuw mekdepleriniň maddy-enjamlaýyn we hukuk binýadyny yzygiderli berkitmek, ylymly-bilimli, giň dünýägaraýyşly, häzirki zamanyň ösen tehnologiýalaryna erk edýän watansöýüji harby gullukçylary kemala getirmek babatda möhüm işleri amala aşyrylýar.Eziz Watanymyzda ylmy we bilimi ösdürmek, harby bilim ulgamyna ylmyň täze gazananlaryny ornaşdyrmak, ýurdumyzyň ylmy kuwwatyny artdyrmak biziň baş maksatlarymyzyň biri bolup durýar. Şundan ugur alyp Türkmen döwlet binagärlik-gurluşyk institutynyň Raýat goranyşy fakultetiniň harby talyplary Arkadagly Gahryman Serdarymyzyň ak patasy bilen gurluşygyna badalga berlen Türkmen döwlet binagärlik-gurluşyk institutynyň täze binalar toplumynda göçmek okuw sapagynda boldular. Bu guralan okuw sapagy harby talyp ýaşlarymyzyň döwrebap hünärleri ele almagyna, raýat goranyşy we howpsuzlygy babatynda nazary bilimlerini kämilleşdirmegine, harby amaly endiklerini ýokarlandyrmagyna, raýat goranyşyna sanly tehnologiýalaryň ornaşdyrylmagyna, täze ylmy taglymatlary, öňdebaryjy barlaglary we tehnologik tejribeleri öwrenmeklige ýardam berdi. Hususan hem gurluşyk işleri alnyp barylýan döwürde raýat goranyşyny meýilleşdirmek, gurulýan binalaryň we desgalaryň tebigy hadysalara hem-de adatdan daşary ýagdaýlara durnuklylygyny ýokarlandyrmakda ilkinji nobatda ýerine ýetirilmeli işler öwrenildi. Harby talyplar gurluşyk işlerinde gurulýan binalaryň berkligini we seýsmiki durnuklylygyny barlamagyň usullaryny öwrendiler.

Göçme okuw sapaklarynda harby talyplar täze gurulýan desgalaryň seýsmiki durnuklylygy,raýat goranyşyny öňünden meýilleşdirmek, we bu çäreleriň gurluşyk kärhanalar tarapyndan berjaý edilmegine gözegçilik etmek, Türkmenistanyň ilaty üçin hökmany hasaplanýan raýat goranyşyny guramaklygy öwrendiler.

Döwlet SAPARDURDYÝEW, Türkmen döwlet binagärlik-gurluşyk institutynyň Raýat goranyşy fakultetiniň uly mugallymy.