of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
«Garaşsyzlygyň merjen däneleri» bäsleşiginiň jemleýji tapgyrynda 361 çaga çykyş eder
100
6-njy sentýabrda Ahal welaýatynyň Ak bugdaý etrabynyň «Nowruz ýaýlasyndaky» «Türkmeniň ak öýi» binasynda «Garaşsyzlygyň merjen däneleri» bäsleşiginiň döwlet tapgyryny geçirmek meýilleşdirilýär. Bu barada 26-njy iýulda geçirilen Türkmenistanyň Ministrler Kabinetiniň mejlisinde wise-premýer B.Orazdurdyýewanyň beren hasabatynda aýdyldy.
Hasabatda aýdylşy ýaly, Türkmenistanyň Bilim we Medeniýet ministrlikleriniň guramagynda bäsleşigiň etrap, şäher, welaýat tapgyrlary guramaçylykly geçirilip, olara 1011 çagadan ybarat bolan 64 sany döredijilik topary, ýaşajyk aýdymçylar gatnaşdylar. Bäsleşigiň tapgyrlarynda eziz Watanymyzy, ajaýyp döwrümizi wasp edýän aýdym-sazlary ýokary ussatlyk bilen ýerine ýetirmekde tapawutlanan çagalaryň 21-si, çagalar tans, aýdym-saz we halk döredijilik toparlarynyň 13-si saýlanylyp alyndy hem-de jemi 361 çaga döwlet tapgyryna gatnaşmaga hukuk gazandy.
Hormatly Prezidentimiz hasabaty diňläp, milli medeniýetimizi, sungatymyzy ösdürmek, ýaş nesillerimizde sungata bolan söýgini döretmek, olaryň tebigy zehinlerini ýüze çykarmak we kämilleşdirmek maksady bilen, ýurdumyzda aýdym-saz, döredijilik bäsleşikleriniň yzygiderli geçirilýändigini belledi. Döwlet Baştutanymyz zehinli çagalaryň «Garaşsyzlygyň merjen däneleri» bäsleşiginiň döwlet tapgyryny geçirmek bilen bagly teklibi goldap, wise-premýere degişli işleri geçirmegi tabşyrdy.