of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Mary welaýatynda müňden gowrak ýaş hünärmenler täze okuw ýylynda bilim işgärleriniň hataryna goşuldy
785
1 müň 75 sany ýaş hünärmen 2025-2026-njy okuw ýylynyň bosagasynda Mary welaýatynyň bilim işgärleriniň hataryna goşuldy. Bu barada «Türkmenistan» gazeti habar berýär.
Habarda bellenilişi ýaly, ýurduň ýokary we ýörite orta okuw mekdeplerini tamamlap, başlangyç synp, dürli okuw dersleri, aýdym-saz we şekillendiriş sungaty dersleri boýunça ýörite ýollanma bilen gelen ýaşlaryň 347-si Hydyr Derýaýew adyndaky mugallymçylyk mekdebiniň uçurymlarydyrlar.
Mary welaýat Baş bilim müdirliginiň maglumatyna görä, işe ýollanan ýaş hünärmenleriň hemmesi öz ugradylan salgylary boýunça işe ýerleşdirildi we saýlan hünärlerine girişdiler. Işe baran ýerlerinde olar tejribeli halypalara şägirtlige berkidildi.
Ýaş hünärmenler, ähli bilim işgärleri bilen bir hatarda, ýakynda guralan üç günlük usuly okuwlara, şeýle-de bilim işgärleriniň awgust maslahatlaryna gatnaşdylar diýlip, habarda bellenilýär.