of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Politehniki orta hünär okuw mekdebiniň talyby «Gyz görki saçda, gül tahýasy başda bolar» atly bäsleşigikde III – orna mynasyp boldy
799
Ýurdumyzyň her bir güni Gahryman Arkadagymyzyň saýasynda, Arkadagly Gahryman Serdarymyzyň parasatly baştutanlygynda toýdur baýramlara, ýatdan çykmajak taryhy senelere beslenýär. Gülden görkli, asylly türkmen gelin-gyzlary bolsa, owadan ülkämizde geçýän toý-baýramlaryny bezeýär.
Şonuň bilen baglylykda, eziz Diýarymyzda gelin-gyzlaryň arasynda baý many-mazmunly bäsleşikler, medeni-dynç alyş çäreleri yzygiderli geçirilýär. Köpçülikleýin medeni çärelere işjeň gatnaşýan we tapawutlanýan zenanlar baýrakly orunlara mynasyp bolýarlar.
Ýakynda, Türkmenistanyň Aragatnaşyk ministrliginiň Politehniki orta hünär okuw mekdebiniň talyby Merjen Baýramgylyjowa Türkmenistanyň Magtymguly adyndaky Ýaşlar guramasynyň Aşgabat şäheriniň Bagtyýarlyk etrap geňeşiniň gurnamagynda geçirilen «Gyz görki saçda, gül tahýasy başda bolar» atly bäsleşigine gatnaşyp III – ornuna mynasyp boldy.
Bäsleşik Bagtyýarlyk etrabynyň çäginde ýerleşýän ýokary okuw mekdeplerinde, ýörite hünär okuw mekdeplerinde we orta hünär okuw mekdeplerinde bilim alýan uzyn saçly gyzlaryň arasynda geçirildi. Bäsleşikde ýeňiji bolan talyp gyzlara ýadygärlik sowgatlar we Hormat hatlary gowşuryldy.
Çeşmesi: ORIENT