of the Innovation Information Center
of the Ministry of Education of Turkmenistan
of the Innovation Information Center
of the Ministry of Education of Turkmenistan
Independent Neutral Turkmenistan - the
homeland of purposeful winged horses
News
Türkmenistanyň Bilim ministrliginiň Innowasiýa maglumat merkezinde STEAM boýunça maslahat geçirildi
133
Şu gün mart aýynyň 01-ne sagat 15:00-da Türkmenistanyň Bilim ministrliginiň Innowasiýa maglumat merkezinde Türkmenistanyň Bilim ministrliginiň ýanyndaky Gysga möhletli okuwlary kämilleşdirmek boýunça geňeşiniň hem-de Türkmenistanyň Bilim ministrliginiň STEAM (Science, Technology, Engineering, Arts, Mathematics) usulyny bilim ulgamyna ornaşdyrmak boýunça Iş toparynyň bilelikdäki maslahaty geçirildi
Maslahat gibrid görnüşde geçirilip, oňa Türkmenistanyň Bilim ministrliginiň ýanyndaky Gysga möhletli okuwlary kämilleşdirmek boýunça geňeşiniň hem-de Türkmenistanyň Bilim ministrliginiň STEAM usulyny bilim ulgamyna ornaşdyrmak boýunça Iş toparynyň agzalary, Aşgabat şäheriniň we welaýatlaryň eýeçiligiň görnüşine garamazdan ähli görnüşdäki gysga möhletli okuwlary guraýan taraplaryň jogapkär wekilleri gatnaşdylar.
Maslahatyň dowamynda Türkmenistanyň Bilim ministrliginiň ýanyndaky Gysga möhletli okuwlary kämilleşdirmek boýunça geňeşiniň 2024-nji ýyl üçin Iş meýilnamasyny we ondaky ýerine ýetirilmeli işleri, Türkmenistanyň Bilim ministrliginiň STEAM usulyny bilim ulgamyna ornaşdyrmak boýunça Iş toparynyň 2024-nji ýyl üçin Iş meýilnamasyny we ondaky ýerine ýetirilmeli işleri, şeýle hem, eýeçiligiň görnüşine garamazdan ähli görnüşdäki gysga möhletli okuwlary guraýan bilim edaralarynda okaýanlaryň arasynda daşary ýurt dilleri boýunça Döwlet bäsleşiginiň jemleýji III tapgyryna taýýarlyk işleriniň alnyp barylyşy we bilim ulgamyna degişli bolan dürli meseleler barada maslahatlaşyldy.
Maslahaty jemlemek bilen Türkmenistanyň Bilim ministrliginiň STEAM usulyny ýurdumyzyň bilim ulgamyna ornaşdyrmak boýunça alnyp barylýan işleriň milli bilim ulgamynyň dünýä derejesiniň standartlaryna ýetirýändigi, bu ugurdan köp işleriň alnyp barylýandygyny barada aýdylyp geçildi we ýurdumyzyň bilim ulgamynyň şeýle çalt depginde ösmegi üçin ähli mümkinçilikleri döredip beren Arkadagly Gahryman Serdarymyzyň hem-de türkmen halkynyň Milli Lideri Gahryman Arkadagymyzyň atlaryna minnetdarlyk sözleri aýdyldy.