Sy­nag­lar üs­tün­lik­li ge­çi­ril­ýär

Ar­ka­dag şä­he­ri­niň gö­zel kün­je­gin­de ýer­leş­ýän 1-nji ýö­ri­te­leş­di­ri­len okuw-ter­bi­ýe­çi­lik top­lu­my şu gün­ler özü­niň ta­ry­hy we iň jo­gap­kär­li dö­wür­le­ri­niň bi­ri­ni baş­dan ge­çir­ýär. Mek­de­be çen­li we or­ta bi­lim bö­lüm­le­ri­ni öz içi­ne al­ýan top­lu­my­myz­da 2025 — 2026-njy okuw ýy­ly­nyň ta­mam­lan­ma­gy bi­len, uly dur­muş ýo­lu­na ga­dam bas­ýan uçu­rym­la­ry­my­zyň jem­leý­ji döw­let sy­nag­la­ry gu­ra­ma­çy­lyk­ly do­wam ed­ýär.

Şu okuw ýy­lyn­da top­lu­my­myz bo­ýun­ça je­mi 64 sa­ny uçu­rym synp­la­ryň 2-si bo­ýun­ça mek­de­bi ta­mam­la­ýar. Hä­zir­ki wagt­da olar öz bi­lim­le­ri­ni we ba­şar­nyk­la­ry­ny su­but et­mek üçin je­mi 5 ders bo­ýun­ça döw­let sy­na­gy­ny tab­şyr­ýar­lar. Top­lu­my­myz­da ýaş­la­ryň di­ňe bir yl­my bi­lim­le­ri däl, eý­sem, dur­muş we zäh­met en­dik­le­ri­ni hem kä­mil ele al­ma­gy­na uly üns be­ril­ýär. Mu­nuň aý­dyň su­bu­dy hök­mün­de okuw­çy­la­ry­my­zyň bi­rin­ji sy­na­gy hü­när oku­wy der­sin­den bol­dy. Biz gyz­lar üçin hal­ky­my­zyň mil­li buý­san­jy bo­lan ha­ly­çy­lyk, og­lan­lar üçin bol­sa Ar­ka­dag şä­he­ri­niň gö­zel te­bi­ga­ty­na aja­ýyp go­şant bol­jak bag­ban­çy­lyk we gül­çü­lik hü­när­le­ri­ni saý­la­dyk.

Mun­dan baş­ga-da, uçu­rym­lar ene di­li we ede­bi­ýat der­sin­den düz­me, al­geb­ra we ana­li­ziň baş­lan­gyç­la­ry dersinden synagy üs­tün­lik­li tab­şyr­dy­lar. şeý­le hem şu gün jem­gy­ýe­ti öw­re­niş dersin­den sy­naglar­y üs­tün­lik­li tab­şyrar­lar. Bä­şin­ji sy­nag bol­sa okuw­çy­la­ryň saý­lan ugur­la­ry­na bag­ly­lyk­da ge­çi­ril­ýär. Te­bi­gy bi­lim­ler ug­ru­ny saý­lan syn­py­my­zyň okuw­çy­la­ry bio­lo­gi­ýa der­sin­den, yn­san­per­wer­lik-dur­muş bi­lim­le­ri ug­ru­ny saý­lan syn­py­my­zyň okuw­çy­la­ry bol­sa, Türk­me­nis­ta­nyň ta­ry­hy der­sin­den öz bi­lim de­re­je­le­ri­ni gör­ke­zer­ler.

Okuw ýy­ly­nyň jem­le­ri di­ňe bir sy­nag­lar bi­len däl, eý­sem, okuw­çy­la­ry­my­zyň ýo­ka­ry gör­ke­zi­ji­le­ri bi­len hem da­ba­ra­lan­dy. Top­lu­my­my­zyň 12-nji synp okuw­çy­la­ry «Al­tyn asy­ryň al­tyn ze­hin­le­ri» at­ly ders bäs­le­şi­gi­niň Ar­ka­dag şä­her tap­gy­ryn­da uly üs­tün­lik ga­za­nyp, baý­rak­ly orun­la­ra my­na­syp bol­du­lar. Olar­dan Pat­ma Sa­pa­ro­wa türk­men di­li der­sin­den 1-nji or­na, Ak­gül At­da­ko­wa geog­ra­fi­ýa der­sin­den 2-nji or­na, Ül­ker Ça­ry­ýe­wa bio­lo­gi­ýa der­sin­den 3-nji or­na, Pe­na We­pa­ýew ma­te­ma­ti­ka der­sin­den 3-nji or­na my­na­syp bol­du­lar.

Biz hem, öz ge­ze­gi­miz­de, ýaş­la­ryň döw­re­bap bi­lim-ter­bi­ýe al­ma­gy, kä­mil şah­sy­ýet­ler bo­lup ýe­tiş­me­gi üçin äh­li şert­le­ri dö­red­ýän Gah­ry­man Ar­ka­da­gy­my­za we Ar­ka­dag­ly Gah­ry­man Ser­da­ry­my­za tüýs ýü­rek­den buý­san­jy­my­zy be­ýan ed­ýä­ris. Uçu­rym­la­ry­my­za bol­sa ak ýol we saý­lap alan hü­när­le­rin­de uly üs­tün­lik­le­ri ar­zuw ed­ýä­ris.

Aga­my­rat HO­JA­BER­DI­ÝEW,

Ar­ka­dag şä­he­rin­dä­ki 1-nji ýö­ri­te­leş­di­ri­len okuw-ter­bi­ýe­çi­lik top­lu­my­nyň mü­di­ri.

Çeşmesi:Türkmenmetbugat