Türkmen wekiliýeti Bolgariýanyň bilim tejribesi bilen tanyşdy

Ýakynda türkmen wekiliýeti keramatly Kliment Ohridski adyndaky sofiýa uniwersitetiniň bilim fakultetine baryp, ýokary okuw mekdebiniň dekanat ýolbaşçylary bilen duşuşdy. Bu barada newscentralasia Bolgariýanyň Telegraf gullugyna salgylanyp habar berdi.

Habarda bellenişine görä, türkmen wekiliýetiniň Bolgariýa saparynyň maksady ýurduň jemgyýetçilik hyzmatlaryny we bilim ulgamyny öwrenmekden, bilim işgärleriniň hünärini kämilleşdirmekden ybaratdyr.

Türkmen wekiliýeti bu ýerde jemgyýetçilik işjeňligi, bakalawr, magistr, doktorlyk we aspirantura hünärleri boýunça hünärmenleri taýýarlamakda «Bilim» fakultetiniň alyp barýan maksatnamalary bilen içgin tanyşdy.

Ýeri gelende bellesek, türkmen wekiliýetiniň Bolgariýa sapary ÝUNISEF we «Çagalar üçin hyzmatdaşlyk» toparynyň bilelikdäki taslamasynyň çäginde guraldy.