Aragatnaşykçy ýaşlar ýurdumyzyň sanly ulgamyny kämilleşdirmegi baş maksat edinýärler

Hormatly Prezidentimiziň parasatly ýolbaşçylygynda «Halkara parahatçylyk we ynanyşmak ýylynda» «Türkmenaragatnaşyk» agentligi sanly hyzmatlaryň täzeçilliklerini artdyrmak boýunça aýdyň maksatlary öňünde goýýar.

Aragatnaşyk pudagynyň ýaş hünärmenleri ykdysadyýetimiziň ähli ugurlaryna sanly ulgamy, sanly tehnologiýalary hem-de sanly hyzmatlary ornaşdyrmak boýunça ýurdumyzda durmuşa geçirilýän işlere yhlas bilen işjeň gatnaşýarlar.

Diýarymyzda durmuşa geçirilýän innowasion özgertmeler, häzirki zaman kompýuter tehnologiýalary bilen doly üpjün edilen döwrebap desgalar hünärmenlerden ýokary ussatlylygy talap edýär.

Şunda ýaş hünärmenlerine, dünýä tejribesine daýanyp, Türkmenistanda ýokary tehnologiýaly, bäsdeşlige ukyply sanly ykdysadyýetiň durnukly ösüşini üpjün etmek, milli ykdysadyýetimizi innowasion esasda ilerletmek möhüm ugurlaryň hatarynda bellenilýär.

Aragatnaşyk hyzmatlarynyň döwrebaplaşdyrylan we amatlaşdyrylan görnüşlerini ornaşdyrmak we müşderiler üçin sanly hyzmatlarynyň hilini ýokarlandyrmak aragatnaşyk pudagynyň hünärmenleriniň baş maksady bolup durýar.