Halkara zenanlar güni mynasybetli ýurdumyzyň ýokary okuw mekdepleriniň talyp gyzlarynyň arasynda “Talyp gözeli – 2025” atly gözellik bäsleşiginiň jemleýji tapgyry geçirildi

“Halkara parahatçylyk we ynanyşmak” ýylynda mart aýynyň 5-ne Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Bilim ministrliginiň hem-de Türkmenistanyň Zenanlar birleşiginiň Merkezi Geňeşiniň bilelikde gurnamagynda Halkara zenanlar güni mynasybetli talyp gyzlaryň arasynda “Talyp gözeli – 2025” bäsleşiginiň jemleýji tapgyry Magtymguly adyndaky sazly drama teatrynda geçirildi.

Hormatly Prezidentimiziň parasatly ýolbaşçylygynda Berkarar döwletiň täze eýýamynyň Galkynyşy döwründe talyp gyzlaryň iş başarnygyny, ugurtapyjylygyny, ruhubelentligini, buýsançlygyny, keşp hem-de edep gözelligini, halkymyzyň milli däp-dessurlaryny bilişini, durmuşa taýýarlygyny, medeniýetini, edep-ekramlylygyny açyp görkezmek maksady bilen, ýurdumyzyň ýokary okuw mekdepleriniň talyp gyzlarynyň arasynda “Talyp gözeli – 2025” atly gözellik bäsleşiginiň jemleýji tapgyrynda Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň Nebit senagat fakultetiniň 2-nji ýyl talyby Ýegenmämmedowa Azatgül Merdanowna çykyş edip, tapawutlanan diploma we “Çeper elli gözel” diýen Hormat hata mynasyp boldy.

O.Ýazhanowa

 Ýagşygeldi Kakaýew adyndaky

Halkara nebit we gaz uniwersitetiniň

Ilkinji zenanlar guramasynyň başlygy