Ylym binýady pugtalandyrylýar

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Garaşsyz, he­mi­şe­lik Bitarap Türkmenistan ylym we täze tehnologiýalar esa­synda ynam­ly öňe barýar. Ýurdumyzda ylmyň gazananlarynyň durmuşa ornaşdyrylmagy durnukly durmuş-ykdysady ösüşiň mö­hüm şer­tine öwrülýär, ähli ulgamlarda sanly tehnologiýalar iş­jeň peý­da­la­nyl­ýar. Kuw­watly, ýokary derejede ösen, bäsdeşlige ukyply, düýp­li yl­ma esas­lan­ýan önümçilik­ler ýola goýulýar. Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň taý­syz ta­gal­la­la­ry bi­len ýur­du­my­zyň ylym ul­ga­my­ny ös­dür­mek­de ga­za­nyl­ýan üs­tün­lik­ler ata Wa­ta­ny­my­zyň ab­raý-mer­te­be­si­ni hal­ka­ra de­re­je­sin­de be­len­de gal­dyr­ýar. Gahryman Ar­ka­da­gy­my­zyň yl­my baş­lan­gyç­la­ry hem-de Ar­ka­dag­ly Gah­ry­man Ser­da­ry­my­zyň dur­mu­şa ge­çir­ýän yl­my esas­ly döw­let sy­ýa­sa­ty ýur­du­my­zyň in­no­wa­sion ösü­şin­de yl­myň kuw­wa­ty­ny we or­nu­ny pug­ta­lan­dyr­ýar.

Hä­zir­ki dö­wür­de ylym adam­zat jem­gy­ýe­ti­niň ösü­şi­niň wa­jyp şert­le­ri­niň bi­ri ha­sap­la­nyl­ýar. Şo­nuň üçin ýurdumyzda yl­ma, yl­my iş­gär­le­ri taý­ýar­la­ma­ga aý­ra­tyn äh­mi­ýet be­ril­ýär. Şeý­le iş­le­riň ne­ti­je­sin­de eziz Di­ýa­ry­myz­da ösü­şiň tä­ze, döw­re­bap nus­ga­sy ke­ma­la gel­ýär. Ylym-bi­lim, mag­lu­mat-teh­no­lo­gik müm­kin­çi­lik­ler tä­ze be­lent­lik­le­re çyk­ýar. Ar­ka­dag­ly Gah­ry­man Ser­da­ry­myz şeý­le bel­le­ýär: «Be­ýik iş­ler, dep­gin­li ösüş­ler yl­myň we bi­li­miň güý­ji, oý­lap ta­pyş­la­ryň, ýo­ka­ry teh­no­lo­gi­ýa­la­ryň üs­tün­lik­le­ri bi­len ama­la aşy­ryl­ýar. Ylym adam­za­dyň röw­şen gel­je­gi­niň ýo­lu­dyr». Şu pa­ra­sat­ly söz­ler­den gör­nü­şi ýa­ly, ýur­du­my­zy yl­my esas­da ös­dür­me­giň türk­men nus­ga­sy tä­ze maz­mun bi­len baý­laş­dy­ry­lyp, Türk­me­nis­ta­nyň dün­ýä bi­le­le­şi­gi­ne kä­mil bi­lim bi­len has ynam­ly go­şul­ma­gy­ny üp­jün et­mek we­zi­pe­si öň­de go­ýul­ýar. Şo­ňa bag­ly­lyk­da, ýur­du­myz­da yl­myň ös­dü­ril­me­gi­ne döw­let ta­ra­pyn­dan be­ril­ýän gol­daw gi­ňel­dil­ýär, gel­je­gi uly yl­my-bar­lag­la­ry, teh­no­lo­gik iş­läp taý­ýar­la­ma­la­ry ma­li­ýe­leş­dir­mek işi ýo­kar­lan­ýar. Yl­my iş­le­ri ama­la aşyr­mak, yl­my göz­leg­le­riň ge­ri­mi­ni gi­ňelt­mek, ola­ryň ne­ti­je­le­ri­ni işe or­naş­dyr­mak üçin giň şert­ler dö­re­dil­ýär.

Hormatly Prezidentimiziň Per­many bilen tassyklanan «Türkmenistanda ylym ulgamyny ösdürmegiň 2024 — 2052-nji ýyllar üçin Strategiýasy» ylym ul­ga­my­nyň hukuk binýadyny döredip, türkmen ylmyny dünýä derejesine çykarmagyň täze gözýetimlerini açýar. Hä­zir­ki wagt­da dün­ýä­de äh­mi­ýe­ti bar­ha art­ýan san­ly teh­no­lo­gi­ýa­lar eziz Di­ýa­ry­my­zyň ylym ul­ga­myn­da giň­den peý­da­la­nyl­ýar. Bu ugur­da elekt­ron res­mi­na­ma do­la­ny­şy­gy dö­re­dil­ýär. Yl­my eda­ra­la­ryň we ýo­ka­ry okuw mek­dep­le­riň mad­dy-en­jam­la­ýyn bin­ýa­dy pug­ta­lan­dy­ryl­ýar, ola­ryň işi­ne iň tä­ze mag­lu­mat-ara­gat­na­şyk teh­no­lo­gi­ýa­la­ry, şol san­da elekt­ron ki­tap­ha­na­la­ra hem-de dün­ýä mag­lu­mat­lar gaz­na­sy­na el­ýe­ter­li­lik giň­den or­naş­dy­ryl­ýar. Ýur­du­myz­da ylym we bi­lim ul­ga­my­ny ös­dür­mek, yl­my iş­gär­le­riň alyp bar­ýan yl­my-bar­lag iş­le­ri­ne has hö­wes­li çe­me­leş­mek­le­ri üçin ze­rur şert­ler dö­re­di­lip, dür­li ýeňil­lik­ler be­ril­ýär.

Hal­ka­ra we döw­le­ta­ra de­re­je­ler­de ga­za­nyl­ýan ylym ba­ba­tyn­da­ky kö­pu­gur­ly Yla­la­şyk­lar, Äht­na­ma­lar, san­ly ara­gat­na­şyk ul­gam­la­ry ar­ka­ly ge­çi­ril­ýän yl­my mas­la­hat­lar eziz Di­ýa­ry­my­zyň hal­ka­ra ylym-bi­lim gi­ňiş­li­gin­dä­ki ab­ra­ýy­ny yzy­gi­der­li ýo­kar­lan­dyr­ýar. Bu­lar döw­le­ti­mi­ziň ama­la aşyr­ýan da­şa­ry, içe­ri sy­ýa­sa­ty­nyň ne­ti­je­li­li­gi­niň dün­ýä bi­le­le­şi­gi ta­ra­pyn­dan gol­daw tap­ýan­dy­gy­nyň, mäh­ri­ban Wa­ta­ny­my­zyň dur­muş-yk­dy­sa­dy, in­no­wa­sion teh­no­lo­gi­ýa­lar ugur­la­ryn­da saz­la­şyk­ly ös­ýän kuw­wat­ly döw­let­le­riň bi­ri­ne öw­rül­ýän­di­gi­niň we dün­ýä­niň yl­my gi­ňiş­li­gi­ne üs­tün­lik­li go­şul­ýan­dy­gy­nyň aý­dyň gü­wä­si­dir.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de zäh­met çek­mek, dö­ret­mek, yl­my iş­ler bi­len meş­gul­lan­mak üçin äh­li mümkinçilikleri dö­red­ýän Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň jan­la­ry sag, ömür­le­ri uzak bol­sun, il-ýurt bäh­bit­li, dün­ýä äh­mi­ýet­li iş­le­ri he­mi­şe ro­waç­lyk­la­ra bes­len­sin!

Me­ret­gu­ly ÝAÝ­LY­MOW,

Türk­men döw­let be­den­ter­bi­ýe we sport ins­ti­tu­ty­nyň

as­pi­ran­tu­ra bö­lü­mi­niň baş hü­när­me­ni.

Çeşmesi:Türkmenmetbugat