Ýaş ma­te­ma­tik­leriň bäsleşigi

Düýn Hal­ka­ra yn­san­per­wer ylym­la­ry we ösüş uni­wer­si­te­tin­de ýur­du­my­zyň hem-de da­şa­ry döw­let­le­riň ýo­ka­ry okuw mek­dep­le­ri­niň ta­lyp­la­ry­nyň ara­syn­da V Açyk hal­ka­ra ma­te­ma­ti­ka olim­pia­da­sy (OMOUS — 2025) ba­dal­ga al­dy. Ge­çi­ril­me­gi asyl­ly dä­be öw­rü­len ze­hin bäs­le­şi­gi­ne gat­naş­mak üçin da­şa­ry ýurt­la­ryň bir­nä­çe­sin­den ze­hin­li ta­lyp­lar paý­tag­ty­my­za gel­di­ler.

Uni­wer­si­te­tiň bi­na­sy­nyň eý­wa­nyn­da bi­lim ul­ga­myn­da ýe­ti­len sep­git­ler, ta­lyp dur­mu­şy we ýaş­la­ryň üs­tün­lik­le­ri bi­len ta­nyş­dyr­ýan öz­bo­luş­ly ser­gi hem gu­ral­dy. Hal­ka­ra ders olim­pia­da­sy­nyň açy­lyş da­ba­ra­syn­da çy­kyş eden dost­luk­ly ýurt­la­ryň we­kil­le­ri bil­di­ri­len myh­man­sö­ýer­lik we me­ýil­leş­di­ri­len çä­re­le­riň ýo­ka­ry gu­ra­ma­çy­lyk de­re­je­si­niň üp­jün edi­len­di­gi üçin türk­men ta­ra­py­na ho­şal­lyk söz­le­ri­ni aýt­dy­lar. Bel­le­ni­li­şi ýa­ly, hal­ka­ra ze­hin bäs­le­şik­le­ri ýaş­la­ryň dün­ýä yl­my­na çuň­ňur ara­laş­mak­la­ryn­da we ola­ryň ukyp-ba­şar­nyk­la­ry­ny art­dyr­mak­da aý­ra­tyn äh­mi­ýe­te eýe­dir. “Hal­ka­ra pa­ra­hat­çy­lyk we yna­nyş­mak ýy­ly” diý­lip at­lan­dy­ry­lan ýyl­da ge­çi­ril­ýän bu hal­ka­ra ders olim­pia­da­sy hem di­ňe bir bäs­le­şik bol­man, eý­sem, dost­luk­ly gat­na­şyk­la­ry gi­ňelt­mek we ber­kit­mek, bi­lim­le­ri alyş­mak, dün­ýä­niň aka­de­mi­ki jem­gy­ýet­çi­li­gi­niň we­kil­le­ri­niň ara­syn­da ýa­kyn hyz­mat­daş­ly­gy ýo­la goý­mak üçin amat­ly müm­kin­çi­lik­le­ri dö­red­ýär.

Şu ge­zek­ki bäs­le­şi­ge da­şa­ry ýurt­la­ryň 8-sin­den je­mi 31 ýo­ka­ry okuw mek­de­bi­ne we­kil­çi­lik ed­ýän talyplaryň 137-si gat­naş­ýar. Olar Rus­si­ýa­nyň, Öz­be­gis­ta­nyň, In­do­ne­zi­ýa­nyň, Eý­ra­nyň, Pol­şa­nyň, Ru­my­ni­ýa­nyň ab­raý­ly ýo­ka­ry okuw mek­dep­le­rin­de bi­lim al­ýan ýaş­lar­dyr. Paý­tag­ty­myz­da ge­çi­ril­ýän bu hal­ka­ra ders olim­pia­da­sy­na Bir­le­şen Arap Emir­lik­le­ri­niň we Hin­dis­ta­nyň ta­lyp­la­ry il­kin­ji ge­zek gat­naş­ýar­lar. Bäs­le­şi­ge ýur­du­my­zyň 26 ýo­ka­ry okuw mek­de­bin­den 400-den gow­rak ta­lyp gat­naş­ýar. Ta­kyk bi­lim ug­ry bo­ýun­ça ýur­du­my­zyň us­sat mu­gal­lym­la­ry bi­len bir ha­tar­da, ady ag­za­lan ýurt­lar­dan ge­len 30-dan gow­rak mu­gal­lym olim­pia­da­nyň üs­tün­lik­li ge­çi­ril­me­gi­ne öz­le­ri­niň ýar­da­my­ny be­rer­ler.

Olim­pia­da ýe­ke­ba­ra we to­par­la­ýyn gör­nüş­de ge­çi­ril­ýär. Onuň il­kin­ji gü­nün­de ta­lyp­lar ýe­ke­ba­ra gör­nüş­de ge­çi­ri­len bäs­le­şik­le­re gat­na­şyp, bel­le­nen wag­tyň do­wa­myn­da ma­te­ma­ti­ka de­giş­li çyl­şy­rym­ly me­se­le­le­ri çöz­dü­ler. Ýur­du­my­zyň we da­şa­ry döw­let­le­riň ýo­ka­ry okuw mek­dep­le­ri­niň mu­gal­lym­la­ry olim­pia­da­nyň ka­da la­ýyk we giň bäs­deş­lik esa­syn­da ge­çi­ril­me­gi­ne gö­zeg­çi­lik ederler.

Ders bäs­le­şi­gi­ne gat­naş­mak mak­sa­dy bi­len ýur­du­my­za ge­len we­ki­li­ýetler üçin ýö­ri­te me­de­ni mak­sat­na­ma hem taý­ýar­la­nyl­dy. Onuň çäk­le­rin­de ak mer­mer­li Aş­ga­ba­dyň aja­ýyp ýer­le­ri­ne ge­ze­lenç­le­riň gu­ral­ma­gy me­ýil­leş­di­ril­ýär. Myh­man­lar olim­pia­da­nyň bi­rin­ji gü­nü­niň do­wa­myn­da paý­tag­ty­my­zyň döw­re­bap söw­da-dynç alyş mer­kez­le­rin­de bo­lup, wagt­la­ry­ny gy­zyk­ly ge­çir­di­ler.

— Bu ders olim­pia­da­sy gys­ga wag­tyň için­de ma­te­ma­ti­ka ug­ry bo­ýun­ça hal­ka­ra bi­lim gi­ňiş­li­gin­de bel­li bäs­le­şik­le­riň bi­ri bol­dy. Ze­hin bäs­le­şi­gi­ne gat­naş­ýan­la­ryň sa­ny­nyň ýyl-ýyl­dan art­ma­gy mu­nuň şeý­le­di­gi­niň aý­dyň gü­wä­si­dir. Onuň mak­sa­dy ta­kyk bi­lim­le­ri ös­dür­mä­ge, ýaş­la­ryň we mu­gal­lym­la­ryň öza­ra gat­na­şyk­la­ry­ny iş­jeň­leş­dir­mä­ge, ylym-bi­lim ar­ka­ly dost-do­gan­ly­gy, pa­ra­hat­çy­ly­gy ber­kit­mä­ge ýar­dam ber­mä­ge gö­nük­di­ri­len­dir. Bu ýö­rel­ge­ler şu ýyl şan­ly 30 ýyl­ly­gy giň­den baý­ram edil­ýän he­mi­şe­lik Bi­ta­rap­ly­gy­my­zyň öňe sür­ýän tag­lym­la­ry­na hem la­ýyk gel­ýär. Olim­pia­da 18-nji ap­rel­de da­ba­ra­ly ýag­daý­da jem­le­ni­ler — di­ýip, Hal­ka­ra yn­san­per­wer ylym­la­ry we ösüş uni­wer­si­te­ti­niň mu­gal­ly­my Pir­my­rat Gur­ba­now söh­bet­deş bo­la­ny­myz­da aýt­dy.

Beg­li AB­DY­KA­DY­ROW.

«Türk­me­nis­tan»

Çeşmesi: Turkmenmetbugat