Milli mirasymyzyň ähmiýeti

Şu ýy­lyň 17-nji ap­re­lin­de Türk­me­nis­ta­nyň he­mi­şe­lik Bi­ta­rap­ly­gy­nyň şan­ly 30 ýyl­ly­gy hem-de 18-nji ap­rel — Bü­tin­dün­ýä mi­ra­sy­nyň hal­ka­ra gü­ni my­na­sy­bet­li Mag­tym­gu­ly adyn­da­ky Türk­men döw­let uni­wer­si­te­ti­niň «Me­de­ni mi­ras: Geç­miş­den gel­je­ge» ÝU­NES­KO ka­fed­ra­sy ta­ra­pyn­dan «Me­de­ni mi­ra­sy öw­ren­mek­de we go­ra­mak­da hal­ka­ra pa­ra­hat­çy­ly­gyň hem-de yna­nyş­ma­gyň or­ny» at­ly hal­ka­ra yl­my-ama­ly mas­la­hat ge­çi­ril­di.

Hal­ka­ra yl­my-ama­ly mas­la­hata dünýä döwletleriniň hem-de Türk­me­nis­ta­nyň ýo­ka­ry okuw mek­dep­le­ri­niň, yl­my-bar­lag ins­ti­tut­la­ry­nyň 69-syn­dan je­mi 210-dan gow­rak pro­fes­sor-mu­gal­lym­lar we alym­lar, ÝU­NES­KO ka­fed­ra­la­ry­nyň we klub­la­ry­nyň ag­za­la­ry alyp bar­ýan yl­my-bar­lag hem-de yl­my-usu­ly iş­le­ri­niň ne­ti­je­le­ri­ni ara alyp mas­la­hat­laş­mak, tej­ri­be alyş­mak mak­sa­dy bi­len gat­naş­dy­lar. Hal­ka­ra yl­my-ama­ly mas­la­ha­ta gat­na­şy­jy­la­ryň 60-a go­la­ýy da­şa­ry ýurt­lar­dan san­ly ul­gam ar­ka­ly çykyş etdiler. Türk­me­nis­ta­nyň ýo­ka­ry okuw mek­dep­le­ri­niň, yl­my-bar­lag ins­ti­tut­la­ry­nyň pro­fes­sor-mu­gal­lym­la­ry, alym­la­ry, yl­my iş­gär­le­ri, dok­to­rant­la­ry, as­pi­rant­la­ry, şeý­le hem ÝU­NES­KO ka­fed­ra­la­ry­nyň we klub­la­ry­nyň ag­za­la­ry yl­my te­ma­la­ry bi­len çy­kyş et­di­ler. Hal­ka­ra yl­my-ama­ly mas­la­ha­ta san­ly ul­gam ar­ka­ly da­şa­ry ýurt­la­ryň ýo­ka­ry okuw mek­dep­le­ri­niň we yl­my-bar­lag eda­ra­la­ry­nyň 42-sin­den alym­la­ryň we pro­fes­sor-mu­gal­lym­la­ryň gat­naş­ma­gy ýur­du­my­zyň me­de­ni mi­ra­sy öw­ren­mek­de hem-de go­ra­mak­da hal­ka­ra hyz­mat­daş­ly­gyn­da alyp bar­ýan hemişelik Bi­ta­rap­lyk, pa­ra­hat­çy­lyk sö­ýü­ji­lik, hoş­ni­ýet­li­lik, yn­san­per­wer­lik ýö­rel­ge­le­rin­den ugur al­ýan­dy­gy­ny da­ba­ra­lan­dyr­dy.

Bir­le­şen Mil­let­ler Gu­ra­ma­sy­nyň Bi­lim, ylym we me­de­ni­ýet me­se­le­le­ri bo­ýun­ça ÝU­NES­KO gu­ra­ma­sy bi­len Ga­raş­syz, he­mi­şe­lik Bi­ta­rap Türk­me­nis­ta­nyň bi­lim ul­ga­my ba­ba­tyn­da­ky hyz­mat­daş­ly­gy ýyl­sa­ýyn ber­ki­dil­ýär. Hä­zir­ki wagt­da BMG-niň Bi­lim, ylym we me­de­ni­ýet me­se­le­le­ri bo­ýun­ça gu­ra­ma­sy bi­len hyz­mat­daş­ly­gyň çäk­le­rin­de ýur­du­my­zyň ýo­ka­ry okuw mek­dep­le­ri­niň 2-sin­de ÝU­NES­KO ka­fed­ra­la­ry, 5-sin­de ÝU­NES­KO klub­la­ry açyl­dy, umu­my­bi­lim ber­ýän mek­dep­le­riň 6-sy bu gu­ra­ma­nyň as­so­sir­le­nen mek­dep­ler to­ru­na go­şul­dy.

Hal­ka­ra mas­la­ha­tyň umu­my mej­li­si­niň ahy­ryn­da oňa gat­na­şy­jy­lar mil­li gym­mat­lyk­la­ryň hal­ka­ra jem­gy­ýet­çi­li­gi ta­ra­pyn­dan öw­re­ni­lip, hä­zir­ki za­man jem­gy­ýe­ti­niň kä­mil­leş­me­gi ug­run­da alyp bar­ýan beýik iş­le­ri üçin türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň we Ar­ka­dag­ly Gah­ry­man Ser­da­ry­my­zyň jan­la­ry­nyň sag bol­ma­gy­ny, il-ýurt bäh­bit­li, umu­ma­dam­zat äh­mi­ýet­li iş­le­ri­niň he­mi­şe üs­tün­lik­le­re bes­len­me­gi­ni ar­zuw et­di­ler.

Al­tyn SA­RY­ÝE­WA,

"Mugallymlar gazeti"

Çeşme: Turkmenmetbugat