Ýol jerimeleriniň barlygyny “Çapar” arkaly anyklaň!

“Türkmenpoçta” poçta aragatnaşyk kärhanasynyň “Çapar” mobil goşundysy arkaly ýol polisiýasynyň jerimeleriniň barlygyny-ýoklugyny anyklamak we onlaýn tölemek hyzmaty hödürlenýär.

Awtoulagyň döwlet belgisini girizip hasaba alnanyňdan soňra, “Meniň jerimelerim” atly ýörite bölümde ulag serişdesine ýazylan jerimeler görkezilýär.

Mobil goşundysyna degişli belgileri we jerime mukdaryny girizmek arkaly awtoulaga ýazylan jerimeleri we poçta arkaly ugradylan ýol hereketiniň düzgüniniň bozulandygy hakyndaky teswirnamany tölemek bolýar. Jerime tölenenden soňra, töleg kagyzynyň nusgasyny el telefonyna ýükläp ýa-da poçta arkaly asyl nusgasyny sargyt edip bolýar.

“Çapar” köpugurly mobil goşundysy arkaly kommunal hyzmatlaryna (sarp edilen suw, elektrik energiýa we tebigy gaz tölegleri), tölegleri töläp, ýollanmalary ugratmak üçin çapar çagyryp, el we öý telefon belgileriniň hasabyny dolduryp, internet üçin tölegleri töläp we başga-da birnäçe amatlylyklardan peýdalanyp bolýar.

“Çapar” mobil goşundysy android we iOS ulgamly smartfonlar üçin elýeterlidir. Goşmaça maglumaty “075” gysga belgisine jaň edip alyp bilersiňiz.

Çeşme: https://orient.tm/tm/post/55335/yol-jerimelerinin-barlygyny-capar-arkaly-anykla