«Nvidia» kompaniýasy superkompýuterleriň täze neslini taýýarlaýar

«Nvidia» kompaniýasy superkompýuterleriň täze neslini taýýarlaýandygyny yglan etdi. Bu superkompýuter emeli aňlaryň geljekki nesillerine «okuw sapaklaryny» geçer.

Kompaniýanyň täze «Nvidia DGX GH200» ulgamynyň öndürijiliginiň 1 ekzaflopsa deňdigi bellenýär (ekzaflops öndürijiligiň iň ýokary derejeleriniň biridir). Ulgamda 256 sany superçipiň hem-de 144 TB ýadyň ornaşdyrylandygy bellenýär. Bu görkeziji kompaniýanyň öňki superkompýuterinden 500 esse güýçlüdir.

GH200-yň superçipi «Grace» prosessoryndan we «H100 Tensor Core» grafika prosessoryndan ybaratdyr. Olar bilelikde kuwwatly prosessory emele getirýär.

Bu superkompýuter ýakyn wagtlarda işe giriziler.