«Glagolisa» IX Halkara baýragynay almak ugrunda rus dilindäki edebi eserleriň bäsleşigi yglan edildi

«Glagolisa» IX Halkara garaşsyz edebiýat baýragyny almak ugrunda rus dilindäki edebi eserleriň bäsleşigi yglan edildi. Bu barada Aşgabatdaky «Rus öýi» habar berdi.

Bäsleşige daşary ýurtlarda ýaşaýan 10-17 ýaş aralygyndaky rus dilli çagalar we dünýä ýurtlarynda rus dilini öwrenýän raýatlar özleriniň islendik mowzukda ýazan hekaýalary, ertekileri, romanlary, nowellalary bilen gatnaşyp bilerler.

Eserlere meşhur ýazyjylar, terjimeçiler we žurnalistler baha bererler.

Ýeňijiler noýabr aýynda yglan ediler. Sylaglanyş dabarasy Kazanda bolar. Ýeňijilere gymmat bahaly sowgatlar — planşetlerdir «Kiçi ​​kitaphana» kitaplar ýygyndysy garaşýar.

Gatnaşmak isleýänlerden hiç hili töleg talap edilmeýär. Ýüz tutmalaryňyzy ibermek isleseňiz şu ýere basyň. Arzalar 22-nji sentýabra çenli kabul edilýär.