Zehinli okuwçylarymyz halkara olimpiadada 24 medala mynasyp boldular

10 — 15-nji aprel aralygynda onlaýn görnüşde geçirilen Uniwersal taslama olimpiadasynyň (UNIPO) jemi jemlendi. Oňa türkmen okuwçylary gatnaşyp, üstünlikli çykyş etdiler.

Bäsleşik 6 ugur — ylym, oýlap tapyş, origami, sungat we fotosurat, iýmit kynçylygy we maglumat tehnologiýasy ugurlary boýunça geçirildi.

Türkmen okuwçylary, hususan-da ylym we maglumat tehnologiýalary ugurlary boýunça oňat netijeler görkezip, baýrakly orunlara mynasyp boldular. Has takygy, ildeşlerimiz bu halkara onlaýn olimpiadasynda jemi 24 — 6 altyn, 8 kümüş, 10 sany bürünç medala mynasyp boldular.