ÜNS beriň! Russiýada okamak üçin amatly mümkinçilik

17 — 28-nji aprel aralygynda bakalawr we hünärmen maksatnamalary boýunça 2023-2024-nji okuw ýylynda Russiýanyň ýokary okuw mekdeplerinde okamak isleýänleriň arasynda saýlama synaglar geçirilýär. Bu barada Russiýanyň Türkmenistandaky ilçihanasy habar berýär.

Dalaşgärler saýlap alan hünärlerine laýyklykda, iki ders boýunça internet arkaly uzak aralykdan synag tabşyrarlar. Saýlama synaglarda her bir dalaşgärleriň kompýuteri, internet baglanşygy, kamera we pasporty bolmagy hökmany. Gatnaşyjylar synagyň 3 gün öňünden hasaba alynmaly we tehniki barlagdan geçmeli.

Ýeri gelende bellesek, häzirki wagtda Russiýada 26 müňden gowrak türkmenistanly bilim aýar.