Türkmenistanyň IIM-niň instituty täze okuw ýyly üçin resminamalary kabul edip başlady

Türkmenistanyň Içeri işler ministrliginiň instituty 2025-2026-njy okuw ýylynda okamak isleýän dalaşgärleriň resminamalaryny kabul etmäge başlady – diýip, «Türkmenistan» gazeti habar berýär.

Instituta orta ýa-da orta hünär bilimi bolan, çagyryş boýunça harby gullugy geçen, 2025-nji ýylyň 1-nji sentýabryna çenli ýaşy 26-dan pes bolmadyk erkek adamlar okuwa kabul edilýärler. 23 ýaşdan geçmedik aýal-gyzlar hem okuwa kabul edilýär.

Resminamalar 2025-nji ýylyň 1-nji iýunyna çenli kabul edilýär. Dalaşgärler şu fakultetlerde okamak üçin resminamalaryny tabşyryp bilerler: hukuk, ýörite edaralar, ýangyn-tehniki we içerki goşunlar fakultetleri.

Türkmenistanyň Içeri işler ministrliginiň Okuw merkeziniň salgysy: Aşgabat şäheri, 2056 köçesi (Ş. Batyrow), jaý 9. Telefon belgiler: 36-45-17, 36-44-97.