Türkmen döwlet binagärlik-gurluşyk instituty tarapyndan orta mekdepleriň gutardyş synp okuwçylary üçin okuw derslerinden ders bäsleşikleri geçirilýär

Türkmenistanyň Prezidenti Arkadagly Gahryman Serdarymyzyň ýurdumyzyň bilim ulgamyny döwrebaplaşdyrmak, ýokary ylmy mümkinçiligi bolan giň gözýetimli, maksada okgunly, innowasion tehnologiýalary dolandyrmaga ukyply ýaşlary terbiýeläp ýetişdirmekde öňümizde goýan baş wezipelerini durmuşa geçirmek, Türkmenistanda sanly bilim ulgamyny ösdürmegiň hem-de tebigy we takyk ylmy ugurlaryna degişli dersleri okatmagy kämilleşdirmegiň Konsepsiýalaryny durmuşa ornaşdyrmagyň Meýilnamalaryny ýerine ýetirmek maksady bilen, Türkmen döwlet binagärlik-gurluşyk institutynyň guramagynda 2024-2025-nji okuw ýylynda ýurdumyzyň umumybilim berýän orta mekdepleriniň gutardyş synp okuwçylarynyň arasynda “Matematika”, “Fizika”, “Himiýa” we “Häzirki zaman kompýuter tehnologiýalary” okuw derslerinden ders bäsleşikleri geçirilýär.

Ders bäsleşikleriniň I tapgyry “Matematika” okuw dersinden 2025-nji ýylyň 1-nji aprelinde, “Fizika” okuw dersinden 2025-nji ýylyň 2-nji aprelinde, “Himiýa” okuw dersinden 2025-nji ýylyň 3-nji aprelinde we “Häzirki zaman kompýuter tehnologiýalary” okuw dersinden 2025-nji ýylyň 4-nji aprelinde onlaýn usulda geçiriler.

Ders bäsleşiginiň I tapgyrynda ýokary netijeleri görkezen okuwçylara “Matematika”, “Fizika”, “Himiýa” we “Häzirki zaman kompýuter tehnologiýalary” okuw derslerinden ders bäsleşiginiň II tapgyryna gatnaşmaga hukugy beriler. Ders bäsleşiginiň II tapgyry Aşgabat şäherinde we welaýat merkezlerinde ýörite bellenilen bilim edaralarynda 2025-nji ýylyň 25-nji aprelinde gatnaşmak usulynda guralar.

Habarlaşmak üçin: tdbgiob@gmail.com, 28-18-72, 28-18-05, +99365-81-44-82.