Türkmenistanyň Mejlisiniň deputatlarynyň gatnaşmagynda syýasy maslahat geçirildi

“Halkara parahatçylyk we ynanyşmak ýyly” diýlip yglan edilen 2025-nji ýylyň 13-nji martynda Ýagşygeldi Kakaýew adyndaky Halkara nebit we gaz uniwersitetinde “Altyn asyr” Türkmenistan teleýaýlymy bilen bilelikde “Türkmenistanyň kanunçylyk ulgamynyň kämilleşmegi, ýerasty baýlyklaryň ygtybarly goraglylygy” atly syýasy maslahat geçirildi. Maslahata Türkmenistanyň Mejlisiniň deputatlary, Ýagşygeldi Kakaýew adyndaky Halkara nebit we gaz uniwersitetiniň professor mugallymlary hem-de talyp ýaşlary gatnaşdy.

Maslahatda Türkmenistanyň Mejlisiniň deputatlary A. Gurbanow we          S. Durdyýew hem-de uniwersitetiň uly mugallymy, “Diller” kafedrasynyň müdiri S. Islamowa dagylar çykyş etdiler. Olar nebit we gaz pudagynyň kanunçylyk ulgamynyň kämilleşmegi dogrusynda çykyş etdiler. Talyp ýaşlar çykyş edenlere Gahryman Arkadagymyzyň “Euronews” teleýaýlymyndaky interwýusy, Ýaşlar parlamentarisiniň işi barada özlerini gyzyklandyrýan sowallary berdiler. Bu maslahat ýaşlaryň bilimleriniň kämilleşmegine uly ýardam eder.

Ýagşygeldi Kakaýew adyndaky Halkara nebit we gaz uniwersiteti

Şeýle hem okaň: orient.tm