“ICT Start-up: durnukly ösüş üçin innowasiýa tehnologiýalary” atly innowasiýa taslamalary bäsleşiginiň açylyş dabarasy geçirildi

2025-nji ýylyň aprel aýynyň 18-ne Türkmenistanyň Bilim ministrligi Türkmenistanyň Döwlet energetika instituty bilen bilelikde gurnamaklarynda ýaşlaryň arasynda “ICT Start-up: durnukly ösüş üçin innowasiýa tehnologiýalary” atly innowasiýa taslamalary bäsleşiginiň açylyş dabarasy geçirildi. Taslama bäsleşigine ýaş hünärmenler, Türkmenistanyň ýokary we orta hünär okuw mekdepleriň talyplary we mekdep okuwçylary gatnaşýarlar. Bäsleşige gatnaşyjylar ilki bilen institutyň Baş binasynda mähirli garşylanyp, hasaba alyndy. Taslama bäsleşik mynasybetli gurnalan dabarada çykyş edenler ähli gatnaşyjylara üstünlikleri arzuw etdiler we meýilleşdirilen çäreleriň ýokary guramaçylyk derejede üpjün edilendigi üçin Hormatly Prezidentimiz Arkadagly Gahryman Serdarymyza hem-de Türkmen halkynyň Milli Lideri, Türkmenistanyň Halk Maslahatynyň başlygy Gahryman Arkadagymyza hoşallyk sözlerini aýtdylar. Soňra bolsa Watanymyzy, Türkmen halkynyň Milli Lideri Gahryman Arkadagymyzy, Arkadagly Gahryman Serdarymyzy wasp edýän birnäçe aýdymlara tomaşa edildi. Taslama bäsleşigine gatnaşýan ýaşlar öz aralarynda ýedi ugur boýunça, ýagny Emeli aň, Robototehnika we awtomatizasiýa, Akylly oba hojalyk tehnologiýalary, Akylly şäher, Bilim we elektron okuwy, Sanly lukmançylyk, Hyzmatlar ulgamy boýunça bäsleşerler. Dabaranyň ahyrynda oňa gatnaşyjylar döredilýän ähli mümkinçilikler üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem-de hoşallyk sözlerini aýtýarlar.