Türkmenistan – Fransiýa hyzmatdaşlygy täze üstünlikleriň kepili

“Halkara parahatçylyk we ynanyşmak ýyly” diýlip yglan edilen 2025-nji ýylyň 7-nji maýynda Ýagşygeldi Kakaýew adyndaky Halkara nebit we gaz uniwersitetiniň mugallymlary “Altyn asyr” Türkmenistan teleýaýlymy bilen bilelikde 5-nji maýda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Fransiýa Respublikasyna resmi saparynyň ähmiýeti barada Tegelek stol söhbetdeşligini geçirdiler.

 Söbetdeşlige Ýagşygeldi Kakaýew adyndaky Halkara nebit we gaz uniwersitetiniň professory, Hormatly il Ýaşulusy Nurýagdy Suwhanow, uniwersitetiň mugallymy G. Meredow hem-de uniwersitetiň uly mugallymy, “Diller” kafedrasynyň müdiri Sona Yslamowa dagylar gatnaşdy. Söbetdeşligi Ýagşygeldi Kakaýew adyndaky Halkara nebit we gaz uniwersitetiniň uly mugallymy J. Sapargulyýewa alyp bardy.

Çykyş edenler Gahryman Arkadagymyzyň saparynyň dowamynda geçiren möhüm duşuşyklary, şol sanda dostlukly ýurduň Prezidenti Emmanuel Makron bilen geçiren gepleşikleriniň däp bolan hyzmatdaşlygyň ähli ugurlary boýunça hil taýdan täze derejä çykarýandygyny buýsançly bellediler. Çünki bu sapar döwletara gatnaşyklaryň täze sahypasyny açdy. Gahryman Arkadagymyzyň saparyna gabatlap, Türkmen-fransuz ykdysady formy geçirildi. Bu çäre Fransiýanyň geljegi uly, durnukly ösýän türkmen bazarynda öz ornuny giňeltmäge gyzyklanma bildirýän işewür toparlaryň wekillerem gatnaşdy. Umuman, dostlukly döwletleriň arasynda baglaşylan Ähtnamalar döwletara gatnaşyklary ösdürmekde möhüm ähmiýete eýe bolar.

Sapargulyýewa Jemal

Ýagşygeldi Kakaýew adyndaky Halkara nebit we gaz uniwersitetiniň

uly mugallymy