Açyk gapylar güni geçirildi

2025-nji ýylyñ maý aýynyň 10-na Türkmenistanyň Döwlet energetika institutynda “AÇYK GAPYLAR” güni geçirildi. Dabara 2025-2026-njy okuw ýylynda Türkmenistanyň Döwlet energetika institutyna okuwa girmäge isleg bildirýän gutardyş synp mekdep okuwçylary, şeýle hem harby gullugy tamamlaýan esgerler we önümçilikde zähmet çekýän ýaşlar gatnaşdylar. Dabara gatnaşyjylar talyp durmuşyndan taýýarlanan wideorolik bilen tanyşdyryldy. Soňra bolsa institutda alnyp barylýan taslama işleri we  institutyň tejribehanalary we ylmy-önümçilik merkezi bilen giňişleýin tanyşdyryldy. Institutyň “Kuwwat” aýdym-saz toparynyň çeper höwesjeň talyp ýaşlarynyň ýerine ýetirmeklerinde birnäçe aýdymlara tomaşa edildi. Dabaranyň ahyrynda oňa gatnaşyjylar döredilýän ähli mümkinçilikler üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem-de hoşallyk sözlerini aýtýarlar