Dabaraly çäre geçirildi

2025-nji ýylyň maý aýynyň 13-ne Türkmenistanyň Döwlet energetika institutynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli “Döwrebap Konstitusion özgertmeler: ösüşiň milli ýoly we täze başlangyçlar” atly aýdym-sazly dabaraly çäre geçirildi. Dabaraly çäräniň dowamynda ylmy, taslama we institutyň üstünliklerini ýaýbaňlandyrýan ylmy işleriň sergisi hem gurnaldy. Dabarnyň dowamynda institutyň mugallymlarynyň hem-de talyp ýaşlarynyň gatnaşmaklarynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli birnäçe söhbetdeşlikler hem geçirildi. Soňra bolsa, institutyň “Kuwwat” aýdym-saz toparynyň ýerine ýetirmeginde Watanymyzy, türkmen halkynyň Milli Lideri Gahryman Arkadagymyzy, Arkadagly Gahryman Serdarymyzy wasp edýän birnäçe aýdymlara we tanslara tomaşa edildi. Dabara gatnaşyjylar döredilýän ähli mümkinçilikler üçin Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem-de hoşallyk sözlerini aýtdylar.

Türkmenistanyň Döwlet energetika instituty