Dabaraly maslahat geçirildi

2025-nji ýylyň maý aýynyň 15-ne Türkmenistanyň Döwlet energetika instituty bilen Türkmenistanyň Magtymguly adyndaky Ýaşlar guramasynyň Mary welaýat geňeşi bilelikde guramaklarynda 2025-nji ýylyň «Halkara parahatçylyk we ynanyşmak» ýyly diýlip yglan edilmegi hem-de Türkmenistanyň Bitaraplygynyň 30 ýyllygy mynasybetli «Parahatlyk dost-doganlyk dillerimiziň senasy» atly aýdym-sazly dabaraly maslahat geçirildi. Dabaraly maslahata institutyň professor-mugallymlary, talyp ýaşlary we Türkmenistanyň Magtymguly adyndaky Ýaşlar guramasynyň Mary welaýat geňeşiniň wekilleri gatnaşdylar. Dabaranyň dowamynda çykyş edenler Bitaraplyk hukuk ýagdaýynyň halkara derejesinde ykrar edilmeginiň ähmiýetini giňişleýin düşündirdiler. Soňra bolsa institutyň «Kuwwat» aýdym-saz toparynyň çeper höwesjeň talyp ýaşlaryň ýerine ýetirmeklerinde Watanymyzy, Türkmen halkynyň Milli Lideri Gahryman Arkadagymyzy, Arkadagly Gahryman Serdarymyzy wasp edýän birnäçe aýdymlara tomaşa edildi. Dabaraly maslahatyň ahyrynda oňa gatnaşyjylar döredilýän ähli mümkinçilikler üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem-de hoşallyk sözlerini aýtýarlar.