Türkmenistanyň Prezidenti BMG-niň maslahatynda halkara hyzmatdaşlygyny pugtalandyrmak baradaky teklipleri öňe sürdi

"Awaza" milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan ýurtlar boýunça üçünji maslahaty açyldy.

Türkmenistanyň Prezidenti Serdar Berdimuhamedow öz çykyşynda BMG-niň esasy maksatnamalarynyň, şol sanda Durnukly ösüş boýunça gün tertibi we gelejek üçin Paktyň durmuşa geçirilmegine bagyşlanan bu halkara forumyň ähmiýetine ünsi çekdi. Döwlet Baştutanymyz Deňze çykalgasy bolmadyk ýurtlaryň ösüşiniň ynsanperwer, ykdysady, sosial we daşky gurşaw bilen bagly taraplaryna hemmetaraplaýyn çemeleşmegiň möhümdigini aýtdy.

Serdar Berdimuhamedow adamlary goramaga we goldamaga, olaryň potensialyny ösdürmäge, ýokary derejeli lukmançylyk kömegini we sosial goraglylygy üpjün etmäge gönükdirilen Türkmenistanyň jemgyýetçilik syýasatyna aýratyn ünsi çekdi.

Prezident Serdar Berdimuhamedow deňze çykalgasy bolmadyk ýurtlaryň halkara ulag geçelgelerinie elýeterliligiň çäkli bolmagy bilen baglanyşykly bar bolan kynçylyklaryny belläp geçdi. Bu kynçylyklar ynsanperwer we lukmançylyk kömegini, şeýle hem sosial infrastrukturanyň durnuklylygyny kynlaşdyrýar. Şunuň bilen baglylykda, Türkmenistan amaly çözgütleri hödürlemäge we BMG-niň degişli düzüm bölekleri bilen hyzmatdaşlyga başlamaga taýýardygyny aýtdy.

Şeýle hem Serdar Berdimuhamedow öz çykyşda halkara ulag hyzmatdaşlygynyň ösmeginde Türkmenistanyň işjeň ornuna ünsi çekdi - BMG-niň ştab-kwartirasynda durnukly ulaglar boýunça ilkinji global konferensiýadan başlap deňze çykalgasy bolmadyk ýurtlar üçin ulaglar boýunça administratiw ýygnakdan geçirilmegine çenli.

Türkmenistanyň Prezidenti şeýle hem 2024-nji ýylda Dubaýda geçirilen Bütindünýä hökümet forumynda çykyş eden Türkmenistanyň durnukly ösüş we deňze çykalgasy bolmadyk ýurtlary integrirlemek boýunça halkara hyzmatdaşlygyň täze görnüşini döretmek baradaky öňe süren teklibi barada ýatlatdy.

Döwlet baştutanymyz Türkmenistanyň global kynçylyklary çözmäge we ähli halklaryň bähbidi üçin halkara hyzmatdaşlygyny pugtalandyrmaga işjeň goşant goşjakdygyna ynam bildirdi.

Çeşme: Türkmenistanyň Halkara Habarlar merkezi