BMG-niň Baş sekretary deňze çykalgasy bolmadyk ýurtlary goldamaklyga çagyrýar

BMG-niň Baş sekretary Antoniu Guterriş "Awaza" milli syýahatçylyk zolagynda geçýän BMG-niň Deňze çykalgasy bolmadyk ösüp barýan döwletler boýunça üçünji maslahatynda çykyş etdi.

BMG-niň Baş sekretary öz çykyşynda soňky ýyllardaky öňegidişlige garamazdan deňze çykalgasy bolmadyk ýurtlaryň durmukly ösüş ýolunda ýokary päsgelçilikler bilen ýüzbe-ýüz bolýandyklaryny aýtdy.

"Geografiýa ykbaly kesgitlemeli däldir" diýip, Guterres 30-dan gowrak ýurtdan gelen delegatlara aýtdy. Ol deňze çykalgasy bolmadyk ösüp barýan 32 ýurduň henizem dünýä bazarlaryna girmek mümkinçiliginiň çäklidigini, ulag çykdajylarynyň ýokarydygyny we esasan haryt eksportyna esaslanýan dar ykdysady ýöriteleşmäniň ejir çekýändigini ýatlatdy.

BMG-niň ýolbaşçysy dünýä jemgyýetçiligini bu ýurtlary goldamak we olaryň global ykdysady mümkinçiliklere deň elýeterliligini üpjün etmek üçin tagallalary güýçlendirmäge çagyrdy. Ol esasy ünsi durnukly logistika, sanly transformasiýa, infrastrukturany döwrebaplaşdyrmaklyga we saglygy goraýyş, bilim we durmuş hyzmatlaryna elýeterliligi gowulandyrmaklyga çekdi.

Baş sekretar halkara hyzmatdaşlygyň deňsizligi we şeýle ýurtlaryň daşarky ykdysady we howanyň täsirinden ejizligini azaltmaga gönükdirilen täze strategiýalary işläp düzmek üçin esas bolmalydygyny aýtdy.

Çeşme: Türkmenistanyň Halkara habarlar merkezi