Ýagşygeldi Kakaýew adyndaky Halkara nebit we gaz uniwersitetinde Hytaý Halk Respublikasynyň Dil babatda alyş-çalyş we hyzmatdaşlyk boýunça halkara Merkeziniň wekiliýeti bilen duşuşyk geçirildi

   Hormatly Prezidentimiziň parasatly baştutanlygynda ösüşlere beslenýän ýurdumyzda ýaşlaryň aýdyň geljegi üçin döwrebap mümkinçilikler döredilýär. Bilim ulgamynda amala aşyrylýan uly özgertmeler, ýetilen belent sepgitler bagtyýar ýaşlary uly üstünliklere, bilim öwrenmäge ruhlandyrýar. Munuň özi halkymyzyň maddy we durmuş üpjünçiligini gowulandyrmak barada edilýän aladalaryň, bagtyýar ýaşlar üçin döredilýän uly mümkinçilikleriň aýdyň beýanydyr.

Türkmenistan döwletimiziň ykdysadyýetiniň esasy ugurlarynyň biri bolannebitgaz pudagy halkarahyzmatdaşlygynyň esasynda ösenderejelere ýetdi. Ýurdumyzyň gazylyp alynýan ýerasty baýlyklaryň dürli görnüşlerine we gorlaryna eýe bolmagy himiýa, gazhimiýa, nebit senagatynyň we beýleki pudaklaryň ösüşine uly itergi berýär. Şonuň netijesinde ýurdumyzda ýangyç-energetika, senagat-önümçilik toplumlary yzygiderli gurulýar, giň möçberli maksatnamalar üstünlikli durmuşa geçirilýär.

        2023-nji ýylda Ýagşygeldi Kakaýew adyndaky Halkara nebit we gaz uniwersiteti bilen Hytaýyň nebit uniwersitetiniň (Pekin şäheri) arasynda hyzmatdaşlyk etmek barada özara düşünişmek hakynda Ähtnama baglaşyldy. Baglaşylan Ähtnamanyň çäklerinde uniwersitetde hytaý dili boýunça okuwlary bilelikde guramak, mugallymlaryň hünär derejesini ýokarlandyrmak boýunça işleri alyp barmak bellenen.

Golaýda Hytaý Halk Respublikasynyň Dil babatda alyş-çalyş we hyzmatdaşlyk boýunça halkara Merkeziniň wekiliýeti bilen uniwersitetde geçirilen duşuşykda hytaý dilini öwrenmekde hyzmatdaşlygy ösdürmek we giňeltmek meselelerine garaldy. Halkara merkeziň wekiliýeti bu ugurda tejribe alyşmak, okuwy guramagyň innowasion usullaryny ulanmak we ösdürmek, şeýle hem bilim bermegiň öňdebaryjy tehnologiýalaryny giňden ulanmak babatda alyp barýan işleri bilen tanyşdyrdylar. Merkez tarapyndan Hytaý dilini öwrenmekde usuly kömek bermek, dürli görnüşli okuwlary gurnamaklyk we mugallymlaryň hünär ussatlygynyň derejesini ýokarlandyrmak boýunça hyzmatdaşlyk etmeklik teklip edildi. Soňra Merkeziň wekiliýeti uniwersitetiň Nebit we gaz fakultetine aýlanyp gördiler, Diller kafedrasynyň işi bilen tanyşdylar.

Bilim-terbiýeçilik edaralarynyň işini kämilleşdirmek, ýokary derejeli hünärmenleri taýýarlamak babatdaky taýsyz tagallalary, ýaş nesil hakynda edýän yzygiderli aladalary, döredip berýän mümkinçilikleri, şertleri üçin hormatly Prezidentimize hem-de Gahryman Arkadagymyza tüýs ýürekden sagbolsunlar aýdýarys. Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli, döwlet ähmiýetli alyp barýan beýik işleri hemişe rowaçlyklara beslensin!

Ýagşygeldi Kakaýew adyndaky Halkara nebit we gaz uniwersiteti