Türkmenistan Samarkantda geçirilen ÝUNESKO-nyň umumy konferensiýasyna gatnaşdy

ÝUNESKO-nyň Milli komissiýalaryň 12-nji sebitara ýygnagy 43-nji konferensiýanyň çäginde 29-njy oktýabrda geçirildi. Türkmenistanyň adyndan ÝUNESKO Milli komissiýasynyň ýerine ýetiriji sekretary Çinar Rüstemowa wekilçilik etdi.

Bu çäre dört sany tematiki sapakdan ybarat bolup, ýaşlara parahatçylygy, adam hukuklaryny we durnukly ösüş üçin bilimi ösdürmäge, şeýle hem sanly zamanda medeniýetleri we jemgyýetleri birleşdirmäge mümkinçilik berdi.

Üçünji sapakda Türkmenistanyň wekili Çinar Rustemowa çykyş etdi. Türkmen toparynyň işiniň ileri tutulýan ugurlaryny we Durnukly ösüş maksatlaryna ýetmekde halkara hyzmatdaşlygynyň ähmiýetini nygtady.

Türkmenistanyň ÝUNESKO-nyň işine işjeň gatnaşmagy halklaryň arasyndaky düşünişmegi güýçlendirmekde we ylym, bilim we medeniýet ugurlarynda umumy maksatlary öňe sürmekde möhüm rol oýnaýandygy bellenildi.

Çeşme: Türkmenistanyň halkara habarlar portaly